Аз Донишгоҳи миллии Тоҷикистон 7 нафар дар озмуни эссеи беҳтарини Туркманистон сазовори ҷойи ифтихорӣ гардиданд
ДУШАНБЕ, 01.07.2024 /АМИТ «Ховар»/. «Аҳамияти ҳуқуқи байналмилалии гуманитарӣ барои таъмини сулҳ ва амният дар сайёра»-таҳти чунин унвон аз ҷониби Донишкадаи муносибатҳои байналмилалии Вазорати корҳои хориҷии Туркманистон озмуни эссеи беҳтарин баргузор гардид. Аз Донишгоҳи миллии Тоҷикистон дар озмуни мазкур 7 нафар сазовори ҷойи ифтихорӣ гардиданд. Дар ин хусус АМИТ «Ховар» бо истинод ба Донишгоҳи миллии Тоҷикистон иттилоъ медиҳад.
Тибқи иттилои манбаъ, имрӯз дар Сафорати Туркманистон дар Ҷумҳурии Тоҷикистон маросими ҳавасмандагрдонии ғолибони ин озмун доир гардид. Дар он Сафири Фавқулода ва Мухтори Туркманистон дар Ҷумҳурии Тоҷикистон Аймурад Кочмурадов иброз намуд, ки мақсад аз баргузории озмуни мазкур тақвияти дӯстии ҷавонони давлатҳои Осиёи Марказӣ мебошад.
Ба озмуни зиёда аз 80 мавод аз ҷониби донишҷӯёни муассисаҳои таҳсилоти олии касбии Осиёи Марказӣ ирсол гардида, аз Ҷумҳурии Тоҷикистон 30 мавод пешниҳод карда шуд.
Бояд гуфт, ки пас аз ба даст овардани Истиқлолияти давлатии Ҷумҳурии Тоҷикистон Ҳукумати мамлакат зери роҳбарии Асосгузори сулҳу ваҳдати миллӣ — Пешвои миллат, Президенти мамлакат муҳтарам Эмомалӣ Раҳмон сиёсати “Дарҳои кушода”-ро пеш гирифт.
Дар доираи сиёсати пешгирифтаи Сарвари давлат, Донишгоҳи миллии Тоҷикистон сол то сол самти муносибатҳои байналмилалии Донишгоҳро рушд дода, барои устодону донишҷӯён имконияти бештари муаррифии илми ватаниро дар арсаи ҷаҳонӣ муҳайё сохтааст.
АКС: Донишгоҳи миллии Тоҷикистон
Байни Донишгоҳи байналмилалии сайёҳӣ ва соҳибкории Тоҷикистон ва Донишгоҳи Лакноуи Ҳиндустон шартномаи ҳамкорӣ ба имзо расид
Донишгоҳи техникии Тоҷикистон бо Донишгоҳи давлатии Лакнави Ҳиндустон ҳамкориро тақвият мебахшад
ТОҶИКОН ҶАҲОНРО ТАСХИР МЕНАМОЯНД! Барномаи «Дурахшандагон» ба ҷавонони лаёқатманди Тоҷикистон кумак мерасонад
Дар солҳои соҳибистиқлолӣ дар Тоҷикистон 22 маротиба музди меҳнати кормандони соҳаи маориф зиёд карда шуд
Дар ноҳияи Фирдавсии шаҳри Душанбе Муассисаи таҳсилоти томактабии хусусии «Боғи Мурод» ифтитоҳ ёфт
Барои таҳқиқоти илмӣ то 35 ҳазор сомонӣ мукофотпулӣ муайян гардид
РУШДИ ТАҲСИЛОТИ ТОМАКТАБӢ. Давоми 7 соли охир дар Душанбе 22 кӯдакистон ба истифода дода шуд
Китобҳои дарсии синфҳои 8 ва 9 «Асосҳои давлат ва ҳуқуқи Ҷумҳурии Тоҷикистон» ба забони туркманӣ нашр шуданд
Дар ноҳияи Рашт оид ба иҷрои дастуру супоришҳои Сарвари давлат вобаста ба рушди соҳаи маориф вохӯрӣ доир шуд
35-СОЛАГИИ ИСТИҚЛОЛИ ДАВЛАТӢ. Дар Хуҷанд бинои иловагии муассисаи таълимӣ барои 1280 хонанда сохта мешавад
ЗИЁДШАВИИ МАОШИ ОМӮЗГОРОН АЗ ОНҲО ЭҲСОСИ МАСЪУЛИЯТИ ДУЧАНДРО ТАҚОЗО ДОРАД. Бардошт аз ҷаласаи Раёсати маорифи вилояти Хатлон
Президенти Тоҷикистон дастур доданд, ки ба омӯзиши забонҳои хориҷӣ диққати махсус дода шавад
