Чаро сокинон амволашонро бо маблағи зиёд харидорӣ, вале бо маблағи хеле кам суғурта менамоянд?
ДУШАНБЕ, 29.07.2024 /АМИТ «Ховар»/. Имрӯз мардум хонаҳои боҳашамат месозанд, мошинҳои қиматбаҳо мехаранд, мағоза ба истифода медиҳанд, аммо ба маблағи кам суғуртаи ихтиёрӣ мекунанд ё тамоман суғурта намекунанд. Чунин иброз дошт бо нигаронӣ Директори Корхонаи воҳиди давлатии «Тоҷиксуғурта» Шуҳрат Мақсудзода 29 июл зимни нишасти матбуотии ин ниҳод.
Шуҳрат Мақсудзода гуфт, ки маблағи суғуртаи онҳо аксаран 1,2 фоизи амволи онҳоро ташкил медиҳад, ки ин хеле кам аст.
Ҳангоме ки ягон ҳодисаи нохуш рух медиҳад, шахсоне, ки суғуртаи ихтиёрӣ кардаанд, муроҷиат мекунанд, то маблағи зарардидаи амволи онҳо пардохт карда шавад. Вале, мутаассифона, маблағи суғуртаи онҳо ба амволи зарардидаашон мувофиқ нест ва онҳо аз ин изҳори норозигӣ мекунанд. Ин дар ҳоле аст, ки амволашонро бо маблағи зиёд харидорӣ, вале бо маблағи хеле кам суғурта кардаанд, чунин шарҳ дод директори Корхонаи воҳиди давлатии «Тоҷиксуғурта».
Ҳоло барои баланд бардоштани маърифати аҳолӣ нисбат ба суғуртакунӣ имрӯзҳо дар аксар минтақаҳои ҷумҳурӣ аз ҷониби Корхонаи воҳиди давлатии «Тоҷиксуғурта» машғулият гузаронида мешавад. Дар ин машғулият мутахассисон саводнокии молиявӣ, мақсад ва моҳияти суғурта намуданро шарҳу тавзеҳ медиҳанд.
Дар нишаст гуфта шуд, ки дар шаш моҳи имсол бо сабаби офатҳои табиӣ бархе оилаҳо хисороти иқтисодӣ диданд. Аз ҳисоби суғуртаи ихтиёрии амволи шаҳрвандон ба зиёда аз 110 нафар маблағҳои суғуртавӣ пардохт карда шуданд, ки беш аз 1 миллиону 393 ҳазор сомониро ташкил доданд.
АКС: АМИТ «Ховар»
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
