Дар Екатеринбург дурнамои рушди ҳамкории Тоҷикистон ва Русия дар соҳаи саноат баррасӣ гардид
ДУШАНБЕ, 10.07.2024 /АМИТ «Ховар»/. Таҳкими ҳамкории Тоҷикистон ва Русия дар соҳаи саноат дар мулоқоти Вазири саноат ва технологияҳои нави Ҷумҳурии Тоҷикистон Шералӣ Кабир бо Вазири саноат ва савдои Федератсияи Русия Антон Алиханов дар шаҳри Екатеринбург дар доираи форуми байналмилалии саноатии «Иннопром -2024» баррасӣ гардид, хабар медиҳад АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон.
Дар мулоқот рушди муносиботи дуҷониба ва шарикии ду давлат, ки ба шарофати дастуру супоришҳои созандаи роҳбарияти олии ҳарду давлат ва ҳамкории зичи бахшҳои дахлдор таҳким меёбад, баррасӣ гардид.
Ҷонибҳо оид ба дурнамои барқарорсозии робитаҳои саноатӣ ва эҷоди занҷирҳои нави истеҳсолӣ, ки барои рушди иқтисодӣ ва некӯаҳволии аҳолӣ аҳамияти калидӣ доранд, табодули афкор намуданд. Ба масъалаҳои кооператсияи саноатӣ ва таҳияи лоиҳаҳои шарикӣ дар соҳаҳои гуногуни саноат, аз ҷумла маъданҳои куҳӣ ва нассоҷӣ, ки заминаи пешрафти минбаъда хоҳанд шуд, таваҷҷуҳи хоса зоҳир шуд.
Мусоҳибон таъкид карданд, ки тавофуқоти ҳосилшуда байни Роҳбарони ҳар ду давлат ба таҳкими минбаъдаи ҳамкории дуҷониба ва татбиқи лоиҳаҳои муштарак мусоидат мекунанд.
Инчунин дар мулоқот доир ба муҳимияти рушди марказҳои нақлиётию логистикӣ, ки ба таҳкими савдо ва мубодилаи молу маҳсулот мусоидат менамояд, изҳори назар карда шуд.
Ҳарду ҷониб омодагии худро барои идомаи ҳамкории судманд ва амалӣ намудани ташаббусҳои нав, ки ба таҳкими робитаҳои иқтисодӣ нигаронида шудаанд, изҳор доштанд.
Таваҷҷуҳи махсус ба муҳокимаи нуктаҳои нақшаи ҳамкории Вазорати саноат ва технологияҳои нави Ҷумҳурии Тоҷикистон ва Вазорати саноат ва савдои Федератсияи Русия зоҳир карда шуд.
Дар доираи ин нақша, масъалаҳои таҳияи лоиҳаҳои муштарак дар соҳаи саноат, бунёди иқтидорҳои нави истеҳсолӣ, беҳтар намудани шароит барои ҷалби сармоя ва табодули технология матраҳ гардид.
Дар фарҷом изҳори боварӣ карда шуд, ки иштирок дар форуми «Иннопром-2024» барои рушди минбаъдаи иқтидори саноатии ҳарду давлат имкониятҳои беназир фароҳам оварда, ба навсозии равандҳои истеҳсолӣ ва тавсеаи бозорҳои фурӯш мусоидат хоҳад кард.
АКС: Вазорати саноат ва технологияҳои нави Ҷумҳурии Тоҷикистон
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
