«Ноқили Талко» сазовори баландтарин ҷоизаи ИДМ – «Дастовардҳо дар соҳаи сифат ва хизматрасонӣ» гардид
ДУШАНБЕ, 30.07.2024. /АМИТ «Ховар»/. Ду корхонаи Тоҷикистон сазовори баландтарин Ҷоизаи Иттиҳоди Давлатҳои Мустақил – «Дастовардҳо дар соҳаи сифат ва хизматрасонӣ» гардиданд, иттилоъ медиҳад АМИТ «Ховар».
Аз ҷумла, Корхонаи истеҳсолии Ҷамъияти дорои масъулияти маҳдуди «Ноқили Талко» (истеҳсоли ноқилҳои гуногунтамға) ва Ҷамъияти дорои масъулияти маҳдуди «Аҷр» (истеҳсоли борҷома ва халтаҳои гуногунҳаҷми полиэтиленӣ) сазовори Ҷоизаи Иттиҳоди Давлатҳои Мустақил – «Дастовардҳо дар соҳаи сифат ва хизматрасонӣ» гардиданд. Бо ин мақсад 29 июл дар Агентии «Тоҷикстандарт» ҳамоиш доир гардида, ҷоиза ба роҳбарияти ин корхонаҳо тақдим шуд.
Иттилоъ дода шуд, ки моҳи марти соли 2024 дар ҷаласаи Шурои иқтисодии давлатҳои аъзои Иттиҳоди Давлатҳои Мустақил, ки дар шаҳри Москваи Федератсияи Русия баргузор гардид, бо қарори ҳакамон ин корхонаҳо сазовори ҷоизаҳои баландтарини озмун гардиданд. 20 июли имсол дар ҷаласаи 65 –уми Шурои байнидавлатӣ оид ба стандартизатсия, метрология ва сертификатсия (МГС), ки дар шаҳри Мински Ҷумҳурии Беларус баргузор гардид, ҷоизаҳои пешбинигардида дар вазъияти тантанавӣ супорида шуданд.
Бояд гуфт, ки бо назардошти аҳаммияти бузурги соҳаи саноат дар рушди минбаъдаи мамлакат солҳои 2022 – 2026 Солҳои рушди саноат эълон гардидаанд. Натиҷаи ин аст, ки соли 2023 ҳаҷми истеҳсоли маҳсулоти саноатӣ нисбат ба соли 1992 4,6 баробар афзуда, ба зиёда аз 46 миллиард сомонӣ расонида шуд, ки ин нишондиҳанда танҳо дар ҳафт соли охир 2,4 баробар зиёд гардид.
Имрӯзҳо саноати ватанӣ ҳамчун неруи азими пешбаранда дар рушди иқтисоди миллӣ нақши калидӣ дошта, дар ин самт ҳамарӯза дар ҷумҳурӣ корхонаҳои хурду бузург барои рушди низоми инноватсионии саноати миллӣ ва тақвияти иқтидори содиротии мамлакат мавриди баҳрабардорӣ қарор мегиранд. Сиёсати созанда ва амалӣ гардидани нақшаву барномаҳои ин соҳа сабаб гардид, ки барои таъмини гуногуншаклии истеҳсолоти ба содирот нигаронида давоми солҳои соҳибистиқлолӣ дар ҷумҳурӣ корхонаҳои зиёди саноатӣ бо ҳазорон ҷойи кор мавриди истифода қарор гирифтанд.
Ҷоизаи бадастовардаи корхонаи саноатии мамлакат дар сатҳи байналмилалӣ низ гувоҳи рушди соҳа мебошад.
Зарангези ЛАТИФ,
АМИТ «Ховар»
АКС: АМИТ «Ховар»
Дар Душанбе ба муносибати иди касбии кормандони мақомоти гумрук маҷлиси тантанавӣ доир гардид
ИМРӮЗ-РӮЗИ КОРМАНДОНИ МАҚОМОТИ ГУМРУК. Барномаи миёнамуҳлати рушди мақомоти гумруки Тоҷикистон ба маъмурикунонӣ ва рақамикунонии соҳа мусоидат намуд
Дар Вазорати рушди иқтисод ва савдо оид ба Паёми Президенти Тоҷикистон ба Маҷлиси Олӣ ҳамоиш доир шуд
Тоҷикистон ва Эрон дар заминаи беҳдошти чорво ва байторӣ Ёддошти тафоҳум ба имзо расониданд
Дар Женева таҷлили Соли байналмилалии ҳифзи пиряхҳо якҷоя бо Созмони ҷаҳонии обуҳавошиносӣ ва ЮНЕСКО оғоз гардид
ПАХТАКОРӢ. Чаро дар Тоҷикистон ҳамасола дар ин бахши муҳими соҳаи кишоварзӣ нишондиҳандаҳо паст мешаванд?
СОЛҲОИ РУШДИ ИҚТИСОДИ РАҚАМӢ ВА ИННОВАТСИЯ. Гузариш ба иқтисодиёти рақамӣ барои беҳтарсозии вазъи иқтисодии Тоҷикистон қадами муҳим аст
Дар Душанбе доир ба рушди инноватсияи рақамӣ ҳамоиш доир гардид
Молу маҳсулоти аз ҷиҳати экологӣ тозаи кишоварзии Тоҷикистон дар Намоишгоҳи «Ҳафтаи байналмилалии сабз-2025» ба намоиш гузошта шуд
Дар Женева масъалаи омодагӣ ба Конфронси байналмилалии сатҳи баланд дар мавзуи ҳифзи пиряхҳо баррасӣ шуд
МОҲИЯТИ ТЕХНОЛОГИЯИ ИННОВАТСИОНӢ. Номзади илмҳои иқтисодӣ ин мавзуъро шарҳ додааст
Дар Хуҷанд ба маблағи беш аз 2 миллиард сомонӣ маҳсулот истеҳсол гардид
