Тоҷикистон ва Маҷористон ҳамкориро дар соҳаи авиатсия рушд медиҳанд
ДУШАНБЕ, 23.07.2024 /АМИТ «Ховар»/. Имрӯз дар шаҳри Душанбе вохӯрии Директори Агентии авиатсияи граждании назди Ҳукумати Ҷумҳурии Тоҷикистон Ҳабибулло Назарзода ва Директори генералии Агентии авиатсияи граждании Маҷористон Мате Ловингер доир гардид, ки дар он масъалаи рушди ҳамкорӣ дар соҳаи авиатсия, аз ҷумла ифтитоҳи хатсайрҳои нав ва васеъ намудани хатсайри парвозҳо мавриди баррасӣ қарор гирифт.
Тавре дар Агентии авиатсияи граждании назди Ҳукумати Ҷумҳурии Тоҷикистон хабар доданд, ҷонибҳо матни лоиҳаи созишномаи ҳамкориро баррасӣ, мувофиқа ва парафгузорӣ намуданд. Ҳарду ҷониб ба мувофиқа расиданд, ки пас аз имзои Протоколи мувофиқашуда Созишномаи парафшударо муваққатан татбиқ намоянд.
Ҳайатҳо ҳадафҳои муштараки худро дар бобати боз ҳам зиёд намудани иқтидор барои тарғиби талаботи рӯзафзуни парвози ҳавоӣ байни Маҷористон ва Ҷумҳурии Тоҷикистон тасдиқ намуданд.
Ҳайати меҳмонон хушнудии худро нисбати меҳмоннавозии мардуми тоҷик, обу ҳавои тоза ва табиати дилфиреби сарзамини тоҷикон изҳор намуданд.
Таъкид кардан ба маврид аст, ки баргузории чунин вохӯриҳо дар рушду рақобатпазир намудани соҳаи авиатсияи граждании кишвар дар фазои авиатсияи граждании ҷаҳонӣ нақши муҳим мегузорад.
АКС: Агентии авиатсияи граждании назди Ҳукумати Ҷумҳурии Тоҷикистон
Сокинони деҳаи Фуруғдеҳи ноҳияи Хуросон бо оби тозаи нӯшокӣ таъмин шуданд
Дар ноҳияи Ёвон кишти картошка идома дорад
МАСЛИҲАТИ МУТАХАССИС. Башаклдарории дарахтон аз охири моҳи ноябр ва аввали декабр оғоз мегардад
Оид ба таъмини амнияти долонҳои энергетикӣ-нақлиётӣ ва таъсири он ба рушди минтақаи Осиёи Марказӣ ҳамоиш доир мегардад
Ассамблеяи СММ оид ба муҳити зист қатъномаи Тоҷикистонро оид ба ҳифзи пиряхҳо ва криосфера қабул намуд
ИСТИФОДАИ САМАРАНОКИ ЗАМИН. Сокинони ноҳияи Ёвон заминҳои наздиҳавлигиро оқилона истифода мебаранд
Дар шаҳру ноҳияҳои вилояти Суғд майдони гармхонаҳои инноватсионӣ зиёд мегардад
Дар ноҳияи Ҷалолиддини Балхӣ 16 навъи меваи ситрусӣ парвариш меёбад
«МУҚОВИМАТ БА КОРРУПСИЯ ДАР СОҲАИ ТИҶОРАТ». Дар Душанбе масъалаҳои муқовимат ба ин зуҳурот ва дастгирии соҳибкорӣ баррасӣ шуданд
Содироти маҳсулоти кишоварзӣ аз Тоҷикистон ба Русия баррасӣ гардид
Маросими ҷоизасупорӣ ба ғолибони Озмуни ҷумҳуриявии «Бренди сол – 2025» баргузор гардид
ШУРОИ МИЛЛИИ ОБ. Он ба истифода, ҳифз ва идоракунии устувори захираҳои обӣ дар Тоҷикистон мусоидат менамояд
