То охири соли равон 900 гектар заминҳои аз гардиши кишоварзӣ берунмонда барқарор мегардад
ДУШАНБЕ, 25.07.2024. /АМИТ «Ховар»/. Яке аз мушкилоти соҳа — ин аз ҷониби хоҷагиҳои кишоварзӣ сари вақт ва пурра пардохт нашудани хароҷоти хизматрасонӣ мебошад. Ин дар ҳолест, ки Идораҳои давлатии беҳдошти замин ва обёрӣ уҳдадориҳои шартномавии худро ҷиҳати таъмин намудани истифодабарандагон бо об пурра иҷро намудаанд. Чунин ҳолат боиси афзоиш ёфтани ҳаҷми қарзҳо мегардад. Ба ҳолати имрӯз бақияи қарздорӣ аз ҳисоби пардохт нашудани хизмати обрасонӣ, бо дарназардошти солҳои пеш 234,4 миллион сомониро ташкил медиҳад. Ин матлабро имрӯз директори Агентии беҳдошти замин ва обёрии назди Ҳукумати Ҷумҳурии Тоҷикистон Зафарбек Давлатзода зимни нишасти матбуотӣ баён намуд.
Дар нишасти матбуотӣ гуфта шуд, ки яке аз сабабҳои дигари афзоиш ёфтани қарздории Идораҳои давлатии беҳдошти замин ва обёрӣ паст будани тарифи хизмати обрасонӣ ва болоравии нархи неруи барқ мебошад.
Иттилоъ дода шуд, ки дар нимсолаи аввали соли равон барои корҳои сохтмонӣ ва мелиоративӣ 11,1 миллион сомонӣ пешбинӣ гардид, ки ба маблағи 7,2 милион сомонӣ корҳои сохтмонию васлкунӣ ба иҷро расонида шуд. Кор дар ин самт бомаром идома дорад.
Агентии беҳдошти замин ва обёрии назди Ҳукумати Ҷумҳурии Тоҷикистон нақша дорад, ки то охири соли равон 900 гектар заминҳои аз гардиши кишоварзӣ берунмондаро барқарор ва 6023 гектар ҳолати ғайриқаноатбахши мелиоративии заминҳои корами обиро беҳтар намояд. Ҳамчунин дар 18 328 метр корҳои мустаҳкамкунӣ гузаронад.
Дар нишаст ҳамчунин иттилоъ дода шуд, ки дар ин давра идораҳои беҳдошти замин ва обёрии шаҳру ноҳияҳо дар майдони 524 410 гектар бо 75 292 истифодабарандагони об шартнома ба имзо расониданд.
АКС: АМИТ «Ховар»
Дар ноҳияи Бобоҷон Ғафуров ҷамъоварии маҳсулоти барвақтӣ идома дорад
Форуми сафарбаркунии сармоягузориҳои хусусӣ ва маблағгузории инноватсионӣ барои инфрасохтори об дар кишварҳои рӯ ба тараққии маҳсур дар хушкӣ оғоз шуд
Сокинони Ҷамоати деҳоти «Чорбоғ»-и ноҳияи Қубодиён дар таъмини амнияти озуқаворӣ саҳм мегузоранд
24 МАЙ — РӮЗИ БАЙНАЛМИЛАЛИИ МОРХӮР. Дар Тоҷикистон саршумори ин ҳайвони нодири пармашох ба 7 000 сар расидааст
Тоҷикистон ва Ҷумҳурии Корея ҳамкориро дар бахши шуғл ва омодасозии кадрҳо тақвият мебахшанд
Баҳодур Шерализода дар Ню-Йорк ва Вашингтон бо шарикони рушд ва ниҳодҳои байналмилалӣ оид ба ҳамкории иқлимӣ мулоқот намуд
МУҚОВИМАТ БА КОРРУПСИЯ. Ҷаласаи якуми гурӯҳи кории байниидоравӣ оид ба татбиқи Стратегияи давлатӣ баргузор гардид
Дар шаҳри Боку Форуми соҳибкории Тоҷикистону Озарбойҷон баргузор шуд
РАҚАМИКУНОНИИ ҲАМЛУ НАҚЛ. Тоҷикистон ва Қирғизистон нахустин маротиба низоми байналмилалии eTIR-ро озмуданд
Тавсеаи ҳамкории Тоҷикистон бо Котиботи давлатии Швейтсария оид ба масъалаҳои иқтисодӣ баррасӣ гардид
Вазорати молия натиҷаҳои таҳқиқоти «Буҷети кушода»-и соли 2025-ро муаррифӣ намуд
Дар Боку ҷаласаи 8-уми Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистону Озарбойҷон баргузор шуд
