33-СОЛАГИИ ИСТИҚЛОЛИ ДАВЛАТӢ. Дар шаҳри Хоруғ мусобиқаи вилоятии футбол оғоз ёфт
ХОРУҒ, 28.08.2024 /АМИТ «Ховар»/. Бахшида ба 33-солагии Истиқлоли давлатии Ҷумҳурии Тоҷикистон дар майдончаи футболи маҳаллаи Носири Хисрави шаҳри Хоруғи Вилояти Мухтори Кӯҳистони Бадахшон мусобиқаи вилоятии футбол байни кӯдакону наврасони то 14-сола оғоз ёфт, хабар медиҳад хабарнигори минтақавии АМИТ «Ховар» Файз Мирасан.
Мусобиқаи футбол то якуми сентябр идома ёфта, дастаҳои ғолиб бо медалу ифтихорномаҳои Раёсати ҷавонон ва варзиши вилоят қадрдонӣ мешаванд.
Мусобиқаи мазкур бо ибтикори Раёсати ҷавонон ва варзиши вилоят ташкил шуда, дар он чор даста аз шаҳри Хоруғ, ду даста аз ноҳияи Шуғнон ва яктимӣ аз ноҳияҳои Роштқалъаву Ишкошим иштирок доранд.
Дар рӯзи аввал дастаҳои Шуғнон-1 ва Мактаби махсуси бозиҳои варзишии шаҳр бозӣ карданд. Ҳарду даста ба ин сабқат бо омодагии ҷиддӣ ҳозир шуда, даври аввал бо ҳисоби 3 бар 2 ба фоидаи дастаи Шуғнон-1 ба анҷом расид. Дар ин рӯз дастаи Дашти боло низ бар дастаи Мактаби махсуси бозиҳои варзишии шаҳр пирӯз шуд. Дар бозӣ бо дастаи Ишкошим дастаи Мактаби махсуси бозиҳои варзишии шаҳр ғолиб омад.
Сармураббии дастаи кӯдакону наврасони вилоят Анвар Мамадзиёев гуфт, ки «футбол бозии дастҷамъона аст ва он дар ниҳоди ҳар кӯдаку наврас, қабл аз ҳама, ҳисси дӯстӣ, рафоқат ва кумаку ҳамкориро тарбия мекунад. Ҳамчунин хислатҳои хуби инсонӣ, ба мисли эҳсоси масъулият, ҳурмату эҳтироми бозигарони дастаҳои муқобил ва аз ҳама муҳим, ба қадри вақт расиданро дар замири кӯдакону наврасон ташаккул медиҳад».
Тобистони имсол дар вилоят мусобиқаи «Футбол ба назди шумо меояд» байни кӯчаву хиёбонҳои шаҳр ва деҳот баргузор шуд, ки дар он садҳо нафар футболбозони наврас иштирок намуданд. Бозиҳо нишон доданд, ки дар ҳайати дастаҳо кӯдакону наврасони бомаҳорату боистеъдод хеле зиёд ҳастанд. Агар мураббиҳо тамринро дуруст ба роҳ монанд, бо итминони комил метавон гуфт, ки дар оянда инҳо футболбозони номдори ҷумҳурӣ хоҳанд шуд.
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ёвон муассисаҳои соҳаи маориф бунёд мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон беш аз 200 иншооти таъйиноти гуногун сохта мешавад
Дар шоҳроҳи Ёвон-Душанбе маъракаи ниҳолшинонӣ оғоз ёфт
35-СОЛАГИИ ИСТИҚЛОЛИ ДАВЛАТӢ. Дар деҳаи Калфи Сабади ноҳияи Ёвон майдони варзишии муосир сохта мешавад
Дар шаҳру ноҳияҳои вилояти Суғд беш аз 2 ҳазор километр роҳ таъмиру навсозӣ карда шуд
«Равобит бо олами Ғарб: нақши Пешвои миллат ва дипломатияи тоҷик». Таҳти чунин унвон китоби нав ба нашр расид
Пешвои миллат Эмомалӣ Раҳмон бинои нави Раёсати минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар гурӯҳи ноҳияҳои водии Ҳисорро ифтитоҳ намуданд
Сарвари давлат Эмомалӣ Раҳмон ҶДММ «Бозори Турсунзода»-ро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода ба фаъолияти корхонаи маҳсулоти алюминии ҶДММ «Алюминийи аввалин» оғоз бахшиданд
Пешвои миллат Эмомалӣ Раҳмон дар шаҳри Турсунзода 6 кӯдакистони хусусиро ба таври фосилавӣ мавриди истифода қарор доданд
Сарвари давлат Эмомалӣ Раҳмон дар шаҳри Турсунзода бинои Муассисаи таҳсилоти томактабии хусусии «Ғунчаҳои Истиқлол»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода 8 муассисаи таҳсилоти миёнаи умумиро тариқи фосилавӣ ба истифода доданд
