Бар асари обхезӣ дар Африқои Ғарбӣ беш аз 70 нафар ҳалок гардид
ДУШАНБЕ, 15.08.2024 /АМИТ «Ховар»/. Дар натиҷаи обхезие, ки бар асари боронҳои шадид саросари давлатҳои Африқои Ғарбӣ ва Марказиро фаро гирифт, зиёда аз 70 нафар ҳалок шуда, 699 нафар ҷароҳати гуногун бардоштаанд ва беш аз 700 ҳазор нафар зарар дидаанд. Дар ин хусус сомонаи Tchadinfos бо такя ба маълумоти Созмони Милали Муттаҳид хабар додааст.
Тибқи ин маълумот, офати табиӣ ба беш аз 700 ҳазор нафар зарар расонида, 72 нафарро ҳалок намуд, 699 нафари дигар маҷруҳ ва маъюб шудаанд. 62 ҳазор бинои истиқоматӣ вайрон шудааст. Сухан дар бораи Гвинея, Ҷумҳурии Демократии Конго, Кот-д’Ивуар, Либерия, Мали, Нигерия, Того ва Чад меравад.
Аз ҳама бештар Чад зарар дидааст, обхезиҳо дар ин давлат ба 240 000 нафар зарар расонидаанд. Офати табиӣ на танҳо хонаҳоро хароб кардааст, балки маҳсулоти хӯрокворӣ низ нобуд гардидааст.
Созмони Милали Муттаҳид сабаби асосии ин офатро ба пайомадҳои тағйирёбии ҷаҳонии иқлим марбут медонад. Ҳамзамон аз ҷомеаи ҷаҳонӣ даъват мекунад, ки барои наҷоти мардуме, ки зери хатари гуруснагӣ қарор доранд, тадбирҳои фаврӣ андешанд.
АКС аз манбаъҳои боз
Тоҷикистон ва Қазоқистон ҳамкориро дар доираи низоми ягонаи энергетикии Осиёи Марказӣ тақвият медиҳанд
Дар Тоҷикистон дар беш аз 800 гектар боғу токзори нав бунёд гардид
Имрӯз дар Тоҷикистон ҳавои абрнок пешгӯӣ мешавад
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
