Дар басти дуюми истироҳатгоҳи «Дурахшон»-и ноҳияи Файзобод 103 нафар ба истироҳати бофароғат фаро гирифта шуд
ФАЙЗОБОД, 04.08.2024. /АМИТ «Ховар»/. Имрӯзҳо дар басти дуюми истироҳатгоҳи «Дурахшон»-и ноҳияи Файзобод 103 нафар кӯдакону наврасон ба истироҳати бофароғат фаро гирифта шудаанд, ки қисми зиёди онҳо ятимон мебошанд. Дар ин хусус ба хабарнигори минтақавии АМИТ «Ховар» Субҳониддини Маҳмуд дар шуъбаи маорифи ноҳияи Файзобод иттилоъ доданд.
Сармураббии истироҳатгоҳи «Дурахшон» Аввалмоҳ Нурмаҳмадшоева иброз намуд, ки дар басти якум 123 нафар кӯдакону наврасон дар сатҳи баланд истироҳати бофароғат намуданд. Ҳоло дар басти дуюм 103 кӯдак ба фароғати тобистона фаро гирифта шудааст, ки қисми зиёди онҳо ятимони кулл ва нимятимону аз оилаҳои камбизоат мебошанд. Дар истироҳатгоҳ кӯдакону наврасон аз рӯйи барномаи шуъбаи маорифи ноҳия ба машғулияти варзишию фарҳангӣ ва сайёҳӣ фаро гирифта шуда, бо чор вақт хӯрок таъмин мешаванд.
Истироҳатгоҳи «Дурахшон» дар деҳаи Дурахшони Ҷамоати деҳоти Чашмасори ноҳияи Файзобод ҷойгир аст. Он дорои ҳавзи шиноварӣ, хобгоҳҳои кушод, ошхона ва майдончаи варзишӣ мебошад, ки кӯдакону наврасон аз он истифода менамоянд. Имсол аз сабаби серборишӣ ва хунук будани ҳудуди истироҳатгоҳ масъулини шуъбаи маориф ва Мақомоти иҷроияи ҳокимияти давлатии ноҳияи Файзобод басти якумро аз 10 июл оғоз намуданд, ки дар ин рӯзҳо ҳавои гарми тобистона барои фароғати истироҳаткунандагон мусоид буд.
Масъулини идораи маорифи ноҳияи Файзобод дар асоси Қарори Ҳукумати Ҷумҳурии Тоҷикистон «Дар бораи ташкили истироҳати тобистонаи кӯдакон ва наврасон дар соли 2024» дар назди муассисаҳои таълимӣ бо иштироки 1300 нафар кӯдакон лагерҳои солимгардонӣ ташкил намуда, зиёда аз 30 нафар фарзандони омӯзгоронро ба истироҳатгоҳи «Файзи истиқлол» ҷалб намуданд.
АКС: АМИТ «Ховар»
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
