Дар Бохтар 28 ронанда барои вайрон кардани қоидаҳои ҳаракат дар роҳ боздошт ва ҷарима гардид
ДУШАНБЕ, 20.08.2024 /АМИТ «Ховар»/. Дар натиҷаи амалисозии амалиёти «Чароғаки роҳнамо» дар шаҳри Бохтар аз ҷониби Раёсати Вазорати корҳои дохилӣ дар вилояти Хатлон 28 ҳолати дағалона вайрон кардани қоидаҳои ҳаракат дар роҳ, аз ҷумла итоат накардан ба талаботи чароғаки роҳнамо муайян ва сабт карда шуд. Дар ин хусус ба АМИТ «Ховар» дар ин раёсат хабар доданд.
Бо мақсади пешгирии рух додани садамаҳо дар ҳудуди роҳҳои мошингарди вилоят, баланд бардоштани маърифати ронандагон ва интизоми иштирокчиёни ҳаракат дар роҳ аз ҷониби шуъбаи Бозрасии давлатии автомобилии Раёсати Вазорати корҳои дохилӣ дар вилояти Хатлон роҳу усулҳои нави таъсиррасонӣ амалӣ мегардад, ки амалиёти «Чароғаки роҳнамо» аз ҷумлаи онҳо аст.
Давоми ҳафтаи сипаришуда корманди милитсияи Хатлон бо мушоҳидаи кирдорҳои зиддиҳуқуқӣ, аз ҷумла вайрон кардани қоидаҳои ҳаракати роҳ аз ҷониби ронандагони саркаш ҳолатҳои зиёди дағалона вайрон кардани қоидаҳои ҳаракат дар роҳро муайян ва сабт намуданд.
Аз рӯйи далелҳои вайронкунии қоидаҳои ҳаракат дар роҳ аз ҷониби нозирони роҳи шуъбаи Бозрасии давлатии автомобилӣ ронандагон боздошт ва дар асоси навору расмҳо ба ҷавобгарии маъмурӣ ҷалб карда шуданд.
АКС: Раёсати Вазорати корҳои дохилӣ дар вилояти Хатлон
Дар Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор мешавад
Имрӯз дар шаҳри Душанбе ҳаво то 24 дараҷа гарм мешавад
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
