Дар Кумитаи меъморӣ ва сохтмон пардохти тамоми хизматрасонӣ ба таври ғайринақдӣ амалӣ мегардад
ДУШАНБЕ, 02.08.2024. /АМИТ «Ховар»/. Кумитаи меъморӣ ва сохтмони назди Ҳукумати Ҷумҳурии Тоҷикистон пардохти хизматрасониҳои соҳаро, ки дар низоми Кумита қарор доранд, пурра ба таври ғайринақдӣ ва ҳисобаробаркуниҳои электрониро тавассути низоми иттилоотии идоракунии молияи давлатӣ бе таҳвили шакли коғазии он амалӣ намудааст. Дар ин хусус 29 июл зимни нишасти матбуотии ин ниҳод иттилоъ дода шуд.
Ҳамзамон маълумот дода шуд, ки дар асоси нақшаи чорабиниҳо «Феҳристи номгӯйи хизматрасониҳои пулакии корхона ва ташкилоту системаи Кумитаи меъморӣ ва сохтмони назди Ҳукумати Ҷумҳурии Тоҷикистон» таҳия ва тасдиқ гардид.
Ба иттилои раиси кумита Низом Мирзозода, дар асоси нақшаи чорабиниҳо комиссияи корӣ бо фармоиши раиси кумита аз 25 сентябри соли 2023 таъсис дода шуд, ки ҳолати амалишавии пардохти ҳисоббаробаркуниҳои ғайринақдӣ дар фаъолияти дастгоҳи марказӣ ва ташкилоту коронаҳои системаи кумитаро таҳти назорат қарор додааст.
Ташкилоту корхонаҳои системаи кумита ҳамаи боҷҳои давлатиро барои додани иҷозат ва иҷозатномаҳо, ҷаримаҳо, маблағи суғуртаи ҳатмии давлатӣ пурра ба таври ғайринақдӣ пардохт менамоянд.
Дар шашмоҳаи аввали имсол пажуҳишгоҳҳои лоиҳакашӣ ва Корхонаҳои воҳиди давлатӣ ба маблағи 18 миллиону 580 ҳазору 377 сомонӣ корҳои лоиҳакашӣ, хизматрасонӣ, ҷустуҷӯию тадқиқотиро ба анҷом расониданд, ки 118,7 фоизи ҳамин давраи соли 2023-ро ташкил намуд.
Дар ин давра ҳосилнокии меҳнати як корманд 3960 сомонӣ ва маоши миёнаи як корманд 2048,27 сомониро ташкил дод, ки ин нишондиҳанда ба 13,9 фоизи ҳамин давраи соли 2023 баробар аст.
Шаҳлои САДРИДДИН,
АМИТ «Ховар»
АКС аз манбаъҳои боз
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
