Дар муассисаҳои тиббии Тоҷикистон дастгоҳҳои рентгении дорои зеҳни сунъӣ насб гардид
ДУШАНБЕ, 05.08.2024 /АМИТ «Ховар»/. Муассисаи давлатии «Маркази шаҳрии ҳимояи аҳолӣ аз бемории сил» соҳиби дастгоҳҳои рентгении рақамии портативии дорои зеҳни сунъӣ гардид, иттилоъ доданд ба АМИТ «Ховар» дар маркази матбуоти Вазорати тандурустӣ ва ҳифзи иҷтимоии аҳолии мамлакат.
Дастгоҳҳо аз ҷониби Барномаи рушди Созмони Милали Муттаҳид дар доираи амалисозии «Барномаи миллии ҳимояи аҳолӣ аз бемории сил дар Ҷумҳурии Тоҷикистон барои солҳои 2021-2025» ба вазорат супорида шуданд.
Афзалияти дастгоҳҳои рентгении портативӣ бо зеҳни сунъӣ он аст, ки онҳо камҳаҷми сабук буда, барои муоинаи эҳтиёҷмандоне, ки дар ҷойҳои дур ва душвор зиндагӣ мекунанд, пешниҳод мешаванд. Инчунин ҳангоми гирифтани акс ҷойҳои осебдида дар экрани компютер нишон дода шуда, дар набудани барқ бо аккумулятори офтобӣ фаъолият мекунанд. Бо чунин таҷҳизоти муосир имкон аст, ки шахси гирифтори сил дар марҳилаҳои аввали беморӣ дарёфт карда шавад.
Муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Абдухолиқ Амирзода иброз намуд, ки давоми солҳои охир дастовардҳо дар соҳаи силшиносии мамлакат зиёд шудаанд. Аз ҷумла, солҳои охир бо дастгирии Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолии мамлакат дар муассисаҳои соҳавӣ харидорию васли дастгоҳҳои рентгении рақамии портативии дорои зеҳни сунъӣ амалӣ гардид, ки ин ба сари вақт дарёфт намудани беморони гирифтори сил мусоидат намуд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Дар ноҳияи Шамсиддини Шоҳин ба муносибати таъсиси Қувваҳои Мусаллаҳи Тоҷикистон ҳамоиш доир шуд
Дар партави ҳидоятҳои Президенти Тоҷикистон ба оилаҳои ниёзманд дар шаҳри Душанбе кумак расонида шуд
Дар мақомоти Ваколатдор оид ба ҳуқуқи инсон бахшида ба Рӯзи Қувваҳои Мусаллаҳи Тоҷикистон конфронс доир шуд
Дар Агентии суғуртаи иҷтимоӣ ва нафақа Рӯзи Қувваҳои Мусаллаҳи Тоҷикистонро таҷлил намуданд
Бахшида ба таъсиси Қувваҳои Мусаллаҳи Тоҷикистон дар Кумита оид ба таҳсилоти ибтидоӣ ва миёнаи касбӣ ҳамоиши тантанавӣ баргузор шуд
Риояи қонуни танзими ҷашну маросим омили сарфакорӣ ва таҳкими маърифати ҳуқуқии шаҳрвандон мебошад
Дар ноҳияи Ёвон намоиши ҷойи нави кор баргузор гардид
Масъалаи рушди низоми таҳсилоти ибтидоӣ ва миёнаи касбӣ дар Тоҷикистон бо Роҳбари Намояндагии Иттиҳоди Аврупо баррасӣ гардид
Ҷаласаи Кумитаи роҳбарикунандаи байниидоравӣ оид ба татбиқи лоиҳаи «Миллати солими Тоҷикистон» баргузор шуд
Бахшида ба 35-солагии Истиқлоли давлатӣ 47 бинои муассисаи таълимии таҳсилоти ибтидоии касбӣ таъмир гардид
ҶОИЗАИ БА НОМИ ИСМОИЛИ СОМОНӢ. Барои олимони ҷавон дар соли 2026 озмун эълон гардид
Дар Тоҷикистон барои табобати омоси ҷигар усули нав амалӣ шуд
