Дар ноҳияи Мурғоб дар масоҳати 400 метри мураббаъ гармхона бунёд карда мешавад
ДУШАНБЕ, 29.08.2024 /АМИТ «Ховар»/. Дар ноҳияи баландкӯҳи Мурғоб аз ҷониби Кумитаи ҳифзи муҳити зисти назди Ҳукумати Ҷумҳурии Тоҷикистон ва шарикони рушд дар масоҳати 400 метри мураббаъ гармхона бунёд карда мешавад, иттилоъ медиҳад АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон.
Гурӯҳи кории ҳукуматӣ таҳти роҳбарии Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода ба ноҳияи Мурғоб сафар намуда, бо корҳои созандагӣ ва ободонӣ дар доираи омодагӣ ба ҷашни 35 – солагии Истиқлоли давлатии Ҷумҳурии Тоҷикистон шинос гардид. Ҳангоми дидани боғи навтаъсис дар маркази ноҳияи Мурғоб
Баҳодур Шерализода ба нигоҳубини ниҳолҳо, деворҳои атрофи боғ ва иҷрои босифати корҳо таваҷҷуҳ намуд.
Гурӯҳи корӣ бо сохтмони дигар иншооти ҷашнӣ, аз ҷумла мактаб –интернат, таъмири беморхонаи марказии ноҳия ва мактаб шинос шуд. Ҳамчунин бо афсарону сарбозони қисми ҳарбии Вазорати мудофиаи Тоҷикистон дар ноҳияи Мурғоб вохӯрӣ намуд.
Масъулини Агентии захираҳои моддии давлатии назди Ҳукумати Ҷумҳурии Тоҷикистон дар ноҳияи Мурғоб ба роҳбари гурӯҳ иттилоъ доданд, ки дар айни замон дар ноҳия ба миқдори зарурӣ маводи хӯрокворӣ ва сӯзишворӣ захира гардидааст.
Ҳамчунин гурӯҳи корӣ бо фаъолияти Неругоҳи барқи обии «Тоҷикистон» дар ноҳияи Мурғоб шинос шуд. Неругоҳи барқи обии «Тоҷикистон» бо иқтидори пурра фаъолият карда, шаҳрак ва Ҷамоати деҳоти Бердибоевро бо барқ таъмин менамояд. Дар айни замон ҷамъоварии иловагии панелҳои офтобӣ дар назди неругоҳ идома дорад. Дар Ҷамоати деҳоти Аличур панелҳои офтобӣ ҷамъоварӣ гардида, то охири сол ба истифода дода мешаванд. Дар оянда сохтмони чунин манбаъҳои барқӣ дар ҳамаи ҷамоатҳои деҳоти ноҳияи Мурғоб ба нақша гирифта шудааст.
Дар ноҳияи Мурғоб барои сари вақт ва босифат бунёд намудани иншооти ҷашнии нақшавӣ тадбирҳои зарурӣ андешида мешаванд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
35-СОЛАГИИ ИСТИҚЛОЛИ ДАВЛАТӢ. Дар ҷамоатҳо ва шаҳраки ноҳияи Мурғоб иншооти ҷашнӣ бунёд мешаванд
Сарвари давлат Эмомалӣ Раҳмон бо фаъолони соҳаи саноати вилояти Суғд мулоқот намуданд
Пешвои миллат Эмомалӣ Раҳмон дар ноҳияи Бобоҷон Ғафуров ба сохтмони корхонаи ғанигардонии маъдани оҳани ҶСП «Комбинати металлургии тоҷик» санги асос гузоштанд
Бинои Маркази таъминоти бехатарии озуқаворӣ дар шаҳри Конибодом навсозӣ мегардад
Президенти Тоҷикистон Эмомалӣ Раҳмон дар ноҳияи Бобоҷон Ғафуров корхонаи парандапарварии ҶДММ «Саховат»-ро ифтитоҳ намуданд
Пешвои миллат Эмомалӣ Раҳмон дар деҳаи Шамсободи ноҳияи Бобоҷон Ғафуров Маркази саломатиро мавриди истифода қарор доданд
Сарвари давлат Эмомалӣ Раҳмон дар ноҳияи Бобоҷон Ғафуров бинои Муассисаи таҳсилоти томактабии «Наврӯз»-ро баъд аз навсозӣ ба истифода доданд
Пешвои миллат Эмомалӣ Раҳмон дар шаҳри Хуҷанд корхонаи муштараки истеҳсоли профилҳои пластикӣ ва алюминии ҶДММ «Афранг Пластик»-ро мавриди истифода қарор доданд
Президенти Тоҷикистон Эмомалӣ Раҳмон дар шаҳри Хуҷанд корхонаи истеҳсоли панелҳои сохтмонии ҶДММ «Тоҷпанел»-ро ифтитоҳ намуданд
Сарвари давлат Эмомалӣ Раҳмон дар шаҳри Хуҷанд Муассисаи таҳсилоти томактабии Навбаҳорро ифтитоҳ намуданд
Дар шаҳри Турсунзода Маркази саломатии деҳавии «Саркор» ба истифода дода шуд
Президенти Тоҷикистон Эмомалӣ Раҳмон дар ноҳияи Бобоҷон Ғафуров Корхонаи истеҳсоли ашёи рӯзгори ҶДММ «Ситора саноат»-ро мавриди истифода қарор доданд
