Дастаи мунтахаби Тоҷикистон оид ба футзал дар Остона бо тими миллии Қазоқистон бозиҳои дӯстона анҷом медиҳад
ДУШАНБЕ, 15.08.2024 /АМИТ «Ховар»/. Дастаи мунтахаби Тоҷикистон оид ба футзал дар доираи омодагӣ ба Ҷоми ҷаҳон-2024 барои анҷом додани ҷамъомади таълимиву тамринӣ ба шаҳри Остона сафар кард. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.
Сармураббии дастаи мунтахаби Тоҷикистон оид ба футзал Пайрав Воҳидов ба ин ҷамъомад 16 нафар – 3 дарвозабон ва 13 бозигарро даъват кардааст. Дарвозабон Фирӯз Бекмуродов бо сабаби ҷароҳат доштан дар ҷамъомади тамринии тими миллии мамлакат иштирок намекунад.
Дастаи мунтахаби Тоҷикистон оид ба футзал дар Остона бо барандаи медали биринҷии мусобиқоти чемпионати Аврупо-2016 – тими миллии Қазоқистон, ки дар чемпионати ҷаҳон-2024 дар Узбекистон низ иштирок мекунад, ду бозии дӯстона анҷом медиҳад.
Бозиҳои дӯстона 22 ва 24 август дар маҷмааи варзишии «Сайран Арена» доир мешаванд.
Ҳайати васеи тими миллии футзали Тоҷикистон:
Дарвозабонҳо: Муродулло Алиқулов, Хушбахт Исоев, Нуриддин Ҷабборов;
Бозигарони майдон: Дилшод Саломов, Файзалӣ Сардоров, Абдуқаюм Умаров, Умед Кузиев, Идрис Ёров, Бахтиёр Солиев, Самандар Ризомов, Некрӯз Алимаҳмадов, Комрон Алиев, Муҳаммадҷон Шарифов, Иқбол Воситзода, Баҳодур Хоҷаев, Насратшо Исмоилов.
АКС: Федератсияи футболи Тоҷикистон
Дастаи мунтахаби Тоҷикистон оид ба футболи электронӣ нахустин маротиба дар мусобиқаи FIFAe Nations League иштирок мекунад
Дастаи миллии занонаи Тоҷикистон оид ба футбол бо тими Амороти Муттаҳидаи Арабӣ ду бозии дӯстона доир мекунад
Дастаи миллии занонаи Тоҷикистон оид ба футбол дар Душанбе ба машқҳои дастҷамъона фаро гирифта шуд
Дастаи мунтахаби наврасони Тоҷикистон (U-17) дар Ҷопон дар мусобиқаи байналмилалӣ иштирок кард
Дастаи мунтахаби наврасони Тоҷикистон (U-16) оид ба футбол дар «Ҷоми рушд-2026» ҷойи панҷумро соҳиб гардид
Дастаҳои футболи Тоҷикистон бо дастурҳои навшудаи доварон барои мавсими 2026 шинос шуданд
Дар Душанбе оид ба ҳуқуқҳои байналмилалии футбол ва идоракунии бошгоҳҳо машғулият баргузор гардид
Дастаи «Ҳулбук»-и Восеъ ғолиби Ҷоми Федератсияи футболи Тоҷикистон-2026 шуд
ҶОМИ ФФТ-2026. Имрӯз бозии финалии дастаҳои «Барқчӣ»-и Ҳисор ва «Ҳулбук»-и Восеъ доир мегардад
ФУТБОЛ. Дастаи мунтахаби наврасони Тоҷикистон дар мусобиқаи «Ҷоми рушд-2026» иштирок мекунад
Ҷоизаи Президенти Ҷумҳурии Тоҷикистон дар ҳаҷми зиёда аз 2 миллион сомонӣ ба варзишгарони муваффақ тақдим гардид
АРТИШИ МИЛЛӢ — КАФИЛИ ИСТИҚЛОЛИ ДАВЛАТӢ. Дар Донишкадаи тарбияи ҷисмонӣ Рӯзи таъсиси Қувваҳои Мусаллаҳи Тоҷикистонро таҷлил намуданд
