ОЁ ДАР МУАССИСАҲОИ ТАҲСИЛОТИ МИЁНАИ УМУМӢ НОРАСОИИИ КАДРӢ МАВҶУД АСТ? Ин масъаларо дар Вазорати маориф ва илми Тоҷикистон шарҳ доданд
ДУШАНБЕ, 31.08.2024. /АМИТ «Ховар»/. Дар ин рӯзҳо дар тамоми муассисаҳои таълимии мамлакат ба соли нави хониш омодагӣ мебинанд. Яке аз масъалаҳои муҳим дар ин самт таъмини муассисаҳои таълимӣ бо кадрҳои омӯзгорӣ мебошад. Маълум, ки шумораи хонандагон дар мамлакат сол то сол зиёд шуда, эҳтиёҷ ба кадрҳои омӯзгорӣ бештар мегардад. Оё дар муассисаҳои таҳсилоти миёнаи умумӣ норасоиии кадрӣ мавҷуд аст? Ин масъаларо дар Вазорати маориф ва илми Ҷумҳурии Тоҷикистон шарҳ доданд.
Дар айни замон дар ҷумҳурӣ 150 ҳазору 370 нафар кадрҳои омӯзгорӣ фаъолият доранд, ки аз ин теъдод 96 ҳазору 984 нафарашон занон мебошанд. Аз ҷумла, 127 ҳазору 627 нафар дар муассисаҳои таҳсилоти миёнаи умумӣ фаъолият дошта, аз ин шумора 82 ҳазору 348 нафари онҳо занон мебошанд.
Тавре Вазири маориф ва илми Ҷумҳурии Тоҷикистон 26 июли имсол зимни нишасти матбуотӣ иброз дошт, дар соли таҳсили 2023-2024 зиёда аз 16 ҳазор донишҷӯ аз рӯйи равияи омӯзгорӣ донишгоҳу донишкадаҳоро хатм карданд. Аз ин шумора 5418 нафар аз ҳисоби буҷети давлатӣ таҳсил намудаанд.
Таъмини муассисаҳои таълимии ҷумҳурӣ бо кадрҳои омӯзгорӣ яке аз масъалаҳои муҳим дар соҳаи маориф боқӣ монда, дар шашмоҳаи якуми аввали соли 2024 норасоии 2670 омӯзгор сабт шудааст.
Барои ҳалли ин масъала дар мувофиқа бо Ҳукумати Ҷумҳурии Тоҷикистон 2170 нафар донишҷӯ ба муассисаҳои таълимӣ равон шуданд.
Тавре масъулин гуфтанд, тибқи дархости раëсату шуъбаҳои маорифи шаҳру ноҳияҳои ҷумҳурӣ то моҳи июли соли 2024 эҳтиëҷ ба кадрҳои омӯзгорӣ 4301 нафарро ташкил дод, ки нисбат ба соли 2023 46 нафар кам мебошад.
Зарангези ЛАТИФ,
АМИТ «Ховар»
АКС: АМИТ «Ховар»
Имрӯз маросими ҷоизасупории Озмуни ҷумҳуриявии «Фурӯғи субҳи доноӣ китоб аст» баргузор мегардад
Дар Донишгоҳи технологии Тоҷикистон масоили инфрасохтори рақамӣ барои ҳукумати электронӣ баррасӣ шуд
Даҳгонаи беҳтарин довталабон дар имтиҳонҳои марказонидаи дохилшавии солҳои 2023-2024 муайян гардиданд
«ФУРӮҒИ СУБҲИ ДОНОӢ КИТОБ АСТ». Волидони ғолибони озмун сазовори нишони «Маърифатпарвар» гардиданд
Намояндагони Тоҷикистон дар конфронси ҷаҳонии рушди таҳсилоти касбӣ дар Чин иштирок намуданд
Байни Донишгоҳи давлатии омӯзгории Тоҷикистон ва Донишгоҳи касбии Заоҷуани Чин созишномаи ҳамкорӣ ба имзо расид
Маркази барномаҳои байналмилалӣ барои таҳсили шаҳрвандони Тоҷикистон дар муассисаҳои таҳсилоти олӣ ва илмӣ дар давлатҳои хориҷӣ қабули ҳуҷҷатҳоро эълон намуд
Намояндаи Тоҷикистон дар Форуми ректорони муассисаҳои таҳсилоти олии касбии давлатҳои Осиёи Марказӣ иштирок намуд
Маркази миллии тестӣ барои хатмкунандагони 530 муассисаи таълимӣ имтиҳонҳои озмоишӣ баргузор менамояд
Дар Душанбе Озмуни ҷумҳуриявии «Малакаи касбӣ» ҷамъбаст мешавад
Байни Донишгоҳи давлатии омӯзгории Тоҷикистон ва Донишгоҳи касбии Линий созишномаи ҳамкорӣ ба имзо расид
ҲАВАСМАНД НАМУДАНИ ОМӮЗГОРОН. Дар шаҳри Хоруғ ба 112 муаллим ва табиб замини наздиҳавлигӣ дода мешавад
