Содироти маҳсулот байни Тоҷикистон ва Покистон афзоиш меёбад
ДУШАНБЕ, 28.08.2024 /АМИТ «Ховар»/. 27 август вохӯрии Вазири рушди иқтисод ва савдои Ҷумҳурии Тоҷикистон Завқӣ Завқизода бо Сафири Фавқулода ва Мухтори Ҷумҳурии Исломии Покистон дар Ҷумҳурии Тоҷикистон Муҳаммад Саид Сарвар баргузор гардида, ҷонибҳо бо мақсади афзоиши содироти маҳсулот масъалаҳои густариши ҳамкории тиҷоратӣ, нақлиёт, логистика, имконияти истифодаи бандарҳои Покистон, инчунин воридоти шакарро мавриди баррасӣ қарор доданд. Дар ин хусус ба АМИТ «Ховар» дар Вазорати рушди иқтисод ва савдои ҷумҳурӣ хабар доданд.
Зимни мулоқот ҷонибҳо масъалаҳои ҷалби сармоя аз Ҷумҳурии Исломии Покистон, таъсиси корхонаҳои муштараки саноатӣ, бахусус дар ҳудуди минтақаҳои озоди иқтисодии Ҷумҳурии Тоҷикистон, таҳкими ҳамкории минтақавӣ, инчунин дигар масъалаҳои мавриди таваҷҷуҳи тарафайнро баррасӣ намуданд.
Иброз шуд, ки соли 2024 давраи раисии Ҷумҳурии Исломии Покистон дар Созмони ҳамкории Шанхай мебошад ва дар ин марҳила ташаббусҳои созанда дар фаъолияти созмон назаррас ҳастанд.
Сафири Фавқулода ва Мухтори Ҷумҳурии Исломии Покистон дар Ҷумҳурии Тоҷикистон Муҳаммад Саид Сарвар ба Завқӣ Завқизода даъватномаи Вазири федералии савдои Покистон Ҷам Камал Ханро барои иширок дар ҷаласаи вазирони Созмони ҳамкории Шанхай оид ба масъалаҳои иқтисодии хориҷӣ ва савдои хориҷӣ, ки 12 сентябри соли 2024 дар шаҳри Исломобод баргузор мегардад, супорид.
Дар анҷоми вохӯрӣ ҷонибҳо барои афзоиш додани гардиши савдои дуҷониба ва истифодаи пурраи имконияти ҳарду давлат изҳори омодагӣ намуданд.
АКС: Вазорати рушди иқтисод ва савдои Ҷумҳурии Тоҷикистон
Тоҷикистон ва Чин барои бунёди роҳҳои дусатҳа дар шаҳри Душанбе ба мувофиқа расиданд
Донишгоҳи байналмилалии сайёҳӣ ва соҳибкории Тоҷикистон ҳамкориро бо ширкатҳои хориҷӣ тақвият мебахшад
Ҷаласаи Шурои ҳамоҳангсозӣ оид ба масъалаҳои омӯзиши касбии кормандони бонкҳои марказӣ (миллӣ) доир шуд
Дар Агентии авиатсияи гражданӣ гардиши ҳуҷҷатҳои электронӣ пурра ба роҳ монда шуд
Ифтитоҳи парвозҳои мустақим дар самти Душанбе – Сиан ва Душанбе – Гуанҷоу баррасӣ гардид
«Стратегияи ҷалби сармоя ба Ҷумҳурии Тоҷикистон барои давраи то соли 2040» дар Шурои ҳамоҳангсози рушд муаррифӣ гардид
Тоҷикистон ва Чин ҳамкориро дар соҳаи инноватсия ва технологияҳои рақамӣ тақвият медиҳанд
Ҳамкории Тоҷикистон бо Барномаи Рушди СММ дар доираи лоиҳаҳои муштарак муҳокима гардид
Дар Истаравшан оид ба истифодаи сарфакоронаи неруи барқ ҷаласа доир гардид
Ҷалби доираҳои соҳибкорию тиҷоратии Русия, Амрико, Покистон ва Беларус ба Форуми байналмилалии «Dushanbe Invest 2025» баррасӣ шуд
Мотосиклронҳои «Ралли Осиёи Марказӣ-2025»-ро дар Тоҷикистон истиқбол гирифтанд
Рушди низоми бонкии Тоҷикистон бо таҳлилгарони ширкати байналмилалии рейтинги «Moody’s Investor Service» баррасӣ гардид
