Сокинони шаҳри Турсунзода дар машқи ҳарбӣ-сиёсии таълимӣ иштирок намуданд
ТУРСУНЗОДА, 20.08.2024 /АМИТ «Ховар»/. 17 август дар шаҳри Турсунзода машқи ҳарбӣ-сиёсии бонги таълимии «Хатари ҷанг» баргузор гардид, ки дар он муовини якуми Вазири мудофиаи Ҷумҳурии Тоҷикистон Эмомалӣ Собирзода, Раиси шаҳри Турсунзода Парвиз Акрамзода ва сокинони ватандӯсти шаҳри Турсунзода иштирок намуданд. Дар ин хусус ба мухбири минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии шаҳри Турсунзода иттилоъ доданд.
Бонги таълимӣ ҳолати омодабоши иштирокчиёни мудофиаи ҳудудӣ ва сафарбариро дар шаҳри Турсунзода муайян намуд, ки дар он қариб даҳ ҳазор нафар аз ҳисоби шаҳрвандони дар эҳтиёт буда, ҷавонон, кормандони мақомоти ҳифзи ҳуқуқ ва роҳбарону кормандони ташкилоту муассисаҳо иштирок намуда, ҳолати омодабошии ҷангиро нишон доданд.
Сарҷамъ шудани мардуми шарафманди шаҳри Турсунзода бо шунидани бонги таълимии «Хатари ҷанг» дар ин майдони кушод бори дигар собит менамояд, ки сокинони ватандӯст сиёсати пешгирифтаи Роҳбари давлатро дар самти мудофиаи ҳудудӣ ва сафарбарӣ ба ҳифзи марзу буми Тоҷикистони соҳибистиқлол пурра дастгирӣ намуда, ҳамеша ба ҳифзи Ватан омода мебошанд. Мо на танҳо имрӯз, балки ҳамеша бояд зираку ҳушёр бошем, сулҳу суботи Ватанро поянда нигоҳ дорем ва барои пойдории амнияти мамлакат саҳм гузорем.
Бо мақсади санҷиши омодабошии ҳолати иштирокчиёни мудофиаи ҳудудӣ дар ҷамъомад техникаҳои гуногун намоиш дода шуданд.
АКС: Мақомоти иҷроияи ҳокимияти давлатии шаҳри Турсунзода
Тоҷикистон ва Қазоқистон ҳамкориро дар доираи низоми ягонаи энергетикии Осиёи Марказӣ тақвият медиҳанд
Дар Тоҷикистон дар беш аз 800 гектар боғу токзори нав бунёд гардид
Имрӯз дар Тоҷикистон ҳавои абрнок пешгӯӣ мешавад
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
