Тавсеаи ҳамкории Тоҷикистон ва Бонки Осиёии Рушд дар Душанбе баррасӣ гардид
ДУШАНБЕ, 29.08.2024 /АМИТ «Ховар»/. Маблағгузории лоиҳаи Неругоҳи барқи обии «Роғун» ва дигар бахшҳои муҳими иқтисодиву иҷтимоӣ дар мулоқоти муовини якуми Сарвазири Ҷумҳурии Тоҷикистон Ҳоким Холиқзода бо Директори алтернативии Шурои директорони Бонки Осиёии Рушд Ним Дорҷи дар Душанбе баррасӣ гардид. Дар ин хусус АМИТ «Ховар» бо истинод ба Кумитаи давлатии сармоягузории Ҷумҳурии Тоҷикистон иттилоъ медиҳад.
Дар мулоқот ҳамзамон самтҳои афзалиятноки ҳамкорӣ, аз ҷумла нақлиёту энергетика, кишоварзӣ ва тандурустӣ муҳокима гардиданд.
Мулоқот дар ҳошияи сафари ҳайати Бонки Осиёии Рушд ба Ҷумҳурии Тоҷикистон, ки аз 26 то 31 август идома меёбад, баргузор гардид.
Дар доираи сафар ба Тоҷикистон Директори алтернативии Шурои директорони Бонки Осиёии Рушд бо иншооти Неругоҳи барқи обии «Роғун», Лоиҳаи обтаъминкунӣ ва санитария, Лоиҳаи роҳи автомобилгарди Душанбе-Бохтар, низоми обтаъминкунии ноҳияи Рӯдакӣ ва иншооти тандурустӣ шинос мешавад.
Бонки Осиёии Рушд яке аз шарикони муҳими Тоҷикистон маҳсуб мешавад. Дар 26 соли ҳамкорӣ бо ҷумҳурии мо портфели маблағгузории бонк ба Тоҷикистон 187 лоиҳаро ба маблағи умумии 2,5 миллиард доллари амрикоӣ ташкил медиҳад.
Бонки Осиёии Рушд ҳоло ба соҳаҳои афзалиятноки иқтисоди миллии Тоҷикистон дар доираи 16 лоиҳа 950 миллион доллари амрикоӣ сармоягузорӣ менамояд.
АКС: Кумитаи давлатии сармоягузории Ҷумҳурии Тоҷикистон
НИШАСТИ МАТБУОТӢ. Ширкату корхонаҳои ватанӣ дар 30 намоишгоҳи байналмилалӣ дар 9 давлати дунё иштирок намуданд
Дар Агентии инноватсия ва технологияҳои рақамӣ ғолибони Озмуни ҷумҳуриявии «Илм-фурӯғи маърифат» қадрдонӣ шуданд
НИШАСТИ МАТБУОТӢ. «Амонатбонк» бо мақсади дастгирии иҷтимоии аҳолӣ қарзҳои имтиёзнок — «Кишоварз», «Автоқарз», «Занҳои муваффақ» ва «Қарзҳои ипотекӣ»-ро пешниҳод кард
ИНТИХОБОТИ ВАКИЛОНИ ХАЛҚ-2025. Вобаста ба он дар Вазорати рушди иқтисод ва савдо вохӯрӣ доир шуд
Дар Душанбе «Стратегияи миллии оби Ҷумҳурии Тоҷикистон барои давраи то соли 2040» муаррифӣ шуд
НИШАСТИ МАТБУОТӢ. Зиёда аз 1600 гектар замин ба гардиши кишоварзӣ ворид гардид
НИШАСТИ МАТБУОТӢ. Дар Суди Олии иқтисодии Тоҷикистон беш аз 3 ҳазор парванда баррасӣ гардид
Ҳамкории Тоҷикистон бо Эрон дар бахши инноватсия баррасӣ гардид
НИШАСТИ МАТБУОТӢ. Дар Тоҷикистон дар ҳаҷми 53,8 миллиард сомонӣ маҳсулоти саноатӣ истеҳсол гардид
Фурудгоҳи байналмилалии Душанбе ба зиёда аз 8 ҳазор хатсайри мунтазам ва чартерӣ хизмат расонидааст
«Сомон Эйр» соли 2024 беш аз 1,5 миллион мусофирро ба 12 давлати ҷаҳон интиқол додааст
Ҷаласаи Комиссияи байниҳукуматии Тоҷикистон ва Кувайт оид ба ҳамкории тиҷоратию иқтисодӣ баргузор гардид
