Тоҷикистон ва Қазоқистон ҳамкориро дар соҳаи саноат тақвият медиҳанд
ДУШАНБЕ, 27.08.2024 /АМИТ «Ховар»/. Тоҷикистон ва Қазоқистон ҳамкориро дар соҳаи саноат густариш медиҳанд. Далели ин ба имзо расидани Ёддошти тафоҳум байни Вазорати саноат ва технологияҳои нави Ҷумҳурии Тоҷикистон ва Вазорати саноат ва сохтмони Ҷумҳурии Қазоқистон дар соҳаи саноат мебошад, ки дар ҷараёни сафари давлатии Президенти Ҷумҳурии Қазоқистон ба Ҷумҳурии Тоҷикистон ба имзо расид.
АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон иттилоъ медиҳад, ки ҳадафи асосии ин санад таъмини суръати рушди иқтисоди миллӣ дар самти мубодилаи маълумот оид ба афзалияти миллии навсозиҳо дар рушди саноат, таҷриба оид ба таҳия ва татбиқи стратегияҳои рушди соҳаҳои саноат ва барномаҳои дахлдори мақсаднок, доир намудани машваратҳо ва ташкили платформаҳои муштарак барои баррасии масъалаҳои марбут ба муайянсозии самтҳои асосии кооператсияи саноатӣ мебошад.
Инчунин Ёддошти тафоҳум ба таҳкими ҳамкории ду давлат дар самтҳои ояндадори рушди фанноварӣ, амалисозии корҳои муштараки илмию таҳқиқотӣ оид ба таъсис ва аз худ кардани технологияҳои баланди фанноварӣ ва сарфакунандаи захираҳо, табодули маълумоти кушодаи илмию техникӣ ва фанноварии технологӣ, мусоидат ба амалисозии робитаҳои тиҷоратӣ байни корхонаҳои саноатии Тоҷикистон ва Қазоқистон бо мақсади ба роҳ мондани ҳамкории тиҷоратӣ ва шарикӣ нигаронида шудааст.
Ба имзо расидани Ёддошти тафоҳум байни Вазорати саноат ва технологияҳои нави Ҷумҳурии Тоҷикистон ва Вазорати саноат ва сохтмони Ҷумҳурии Қазоқистон дар соҳаи саноат ба тақвияти ҳамкории дуҷонибаи Тоҷикистон ва Қазоқистон дар соҳаи саноат мусоидат менамояд.
Марзия САИДЗОДА,
АМИТ «Ховар»
АКС: АМИТ «Ховар»
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
