Ҳамкории Донишгоҳи байналмилалии сайёҳӣ ва соҳибкории Тоҷикистон бо донишгоҳҳои Туркия таҳким меёбад
ДУШАНБЕ, 21.09.2024 /АМИТ «Ховар»/. Масоили мубрами марбут ба таъсиси озмоишгоҳҳои таълимии самти сайёҳӣ ва тибби сайёҳӣ ва ҷудо намудани бурсияҳои таҳсилӣ дар мулоқоти Ректори Донишгоҳи байналмилалии сайёҳӣ ва соҳибкории Тоҷикистон, профессор Убайдулло Асрорзода бо Сафири Фавқулода ва Мухтори Ҷумҳурии Туркия дар Ҷумҳурии Тоҷикистон Умут Аҷар ва ҳамоҳангсози Агентии Туркия оид ба ҳамкорӣ ва ҳамоҳангсозӣ (TIKA) дар Тоҷикистон Ибраҳим Этҳел Унал дар Душанбе баррасӣ гардид.
Дар Донишгоҳи байналмилалии сайёҳӣ ва соҳибкории Тоҷикистон ба АМИТ «Ховар» иттилоъ доданд, ки дар мулоқот масъалаҳои вобаста ба табодули академии донишҷӯён, таҷрибаомӯзӣ, такмили ихтисоси омӯзгорон, даъвати мутахассисон ба семинарҳои омӯзишӣ, инчунин ҳамкорӣ дар самти Паркҳои технологӣ, IT-парк ва амсоли инҳо баррасӣ шуданд.
Меҳмонон бо самтҳои асосии «Стратегияи рушди донишгоҳ барои давраи то соли 2040» шинос гардиданд. Дар раванди мулоқот ҷонибҳо ба мувофиқа расиданд, ки робитаҳо густариш дода шуда, дар ҳамкорӣ бо Сафорати Туркия дар Тоҷикистон ва TIKA дар Тоҷикистон ин тадбирҳо марҳила ба марҳила дар доираи санадҳои меъёрии ҳуқуқии ҷонибҳо амалӣ карда шаванд.
Меҳмонон бо фаъолияти институтҳои илмию тадқиқотии «Иқтисоди сабз», «Сайёҳӣ ва соҳибкорӣ», Маркази ҷумҳуриявии такмили ихтисоси кормандони соҳаҳои сайёҳӣ ва хизматрасонӣ, институтҳои таълимии «Сайёҳӣ», «Иқтисоди ҷаҳон ва муносибатҳои байналмилалӣ», «Технологияҳои рақамӣ ва зеҳни сунъӣ»-и донишгоҳ шинос гардида, бо директорон мулоқот анҷом доданд.
Ҳамзамон бо пойгоҳи муосири омодасозии кадрҳои баландихтисос, марказҳои забономӯзӣ, маркази иттилооти сайёҳӣ, маркази идораи лоиҳаҳо ва озмоишгоҳҳои таълимии самти сайёҳӣ шинос шуданд.
АКС: Донишгоҳи байналмилалии сайёҳӣ ва соҳибкории Тоҷикистон
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Имрӯз дар ноҳияҳои алоҳидаи кӯҳии Тоҷикистон барф меборад
