Ҳамкории Тоҷикистон ва Ҷопон дар самти беҳсозии иншооти роҳ тақвият меёбад
ДУШАНБЕ, 20.09.2024 /АМИТ «Ховар»/. Дар Душанбе ҷаласаи ҷамъбастӣ оид ба лоиҳаи ҳамкории техникии Агентии Ҷопон оид ба ҳамкории байналмилалӣ (JICA) «Рушди иқтидорнокӣ барои идоракунии пулҳо» баргузор гардид. Дар ин хусус ба АМИТ «Ховар» дар Вазорати нақлиёти ҷумҳурӣ иттилоъ доданд.
Дар ҷаласа Вазири нақлиёти Тоҷикистон Азим Иброҳим, Сафири Фавқулода ва Мухтори Ҷопон дар Тоҷикистон Тошихиро Аики ва Роҳбари Намояндагии Агентии Ҷопон оид ба ҳамкории байналмилалӣ (JICA) дар Ҷумҳурии Тоҷикистон Имай Сейдзу сухан намуданд.
Гурӯҳи коршиносони JICA бо шарикони лоиҳа аз Вазорати нақлиёт, Маркази рақамикунонии соҳаи нақлиёт, идораҳои хоҷагии роҳҳои автомобилгард оид ба иҷрои лоиҳа ва натиҷаҳои он маълумот пешниҳод намуданд. Иттилоъ дода шуд, ки фаъолият аз рӯи ҳамаи 4 самти лоиҳа тибқи нақша муваффақона ба анҷом расид.
Зимни фаъолият муассисаҳои давлатии назорати роҳҳои автомобилгард ва идораҳои хоҷагии роҳҳои автолмобилгард инвентаризатсия ва муоинаи муҳандисию техникии 1643 пулро ба анҷом расонида, маълумот ҷамъоварӣ намуданд.
Вазири нақлиёти ҷумҳурӣ пешниҳод намуд, ки ҳамкорӣ барои омодасозии мутахассисони тармашинос ва дигар офатҳои табиӣ, аз ҷумла ярч, резиши сангҳо ва ғайра идома дода шавад.
Ёдовар мешавем, ки ин лоиҳаи сеюми JICA мебошад, ки моҳи апрели соли 2021 оғоз ёфта, моҳи ноябри соли 2024 ба анҷом мерасад.
АКС: Вазорати нақлиёти Ҷумҳурии Тоҷикистон
Дар Душанбе савдои фаромарзии бекоғаз ва экосистемаи рақамии тиҷорати электронӣ баррасӣ гардид
Ҷаласаи нахустини гурӯҳи кории Тоҷикистону Русия оид ба ҳамкорӣ дар соҳаи рақамикунонӣ ва технологияҳои иттилоотӣ баргузор гардид
Иқтисодчиён дар ҳалли масъалаҳои рушди иқтисодӣ ва иҷтимоии Тоҷикистон нақши барҷаста доранд
Дурнамои ҳамкории иқтисодии Тоҷикистон бо Хазинаи байналмилалии асъор баррасӣ гардид
Дар Вазорати рушди иқтисод ва савдо ба муносибати Рӯзи иқтисодчиён ҳамоиши тантанавӣ доир гардид
Тоҷикистон ва Иттиҳоди Аврупо дар самти рақамикунонии иқтисод ва идоракунии давлатӣ ҳамкориро тақвият медиҳанд
Тоҷикистон ва Иттиҳоди Аврупо ҳамкориро дар соҳаи ҳифзи муҳити зист тақвият мебахшанд
ИМРӮЗ — РӮЗИ ИҚТИСОДЧИЁН. То соли 2030 ҳаҷми маҷмӯи маҳсулоти дохилӣ 1,8 маротиба афзоиш дода мешавад
Дар шаҳру ноҳияҳои Хатлон корҳои безараргардонӣ бар зидди малах идома доранд
Ба кормандони Хадамоти гумруки Тоҷикистон тақвияти чораҳои зиддикоррупсионӣ тавзеҳ дода шуд
Дар Тоҷикистон дар беш аз 23 ҳазор гектар пунбадона кишт намудаанд
«ДОЛОНИ САБЗ». Роҳи «Данғара-Гулистон» дар доираи ин барнома навсозӣ карда мешавад
