Бахшида ба ҷашни Истиқлолияти давлатӣ дар Агентии миллии иттилоотии Тоҷикистон «Ховар» маҷлиси тантанавӣ баргузор гардид
ДУШАНБЕ, 06.09.2024 /АМИТ «Ховар»/. Имрӯз бахшида ба 33-солагии Истиқлолияти давлатии Ҷумҳурии Тоҷикистон дар Агентии миллии иттилоотии Тоҷикистон «Ховар» ҷаласаи тантанавӣ баргузор шуд.
Дар ҷаласа директори АМИТ «Ховар» Субҳиддин Шамсиддинзода тамоми кормандони агентиро бо ин ҷашни муқаддаси давлатӣ табрику таҳният гуфта, таъкид намуд, ки 9 сентябр — Рӯзи Истиқлолияти давлатӣ барои мардуми соҳибтамаддуни тоҷик ҷашни муҳиму фархунда ва тақдирсоз ба шумор меравад, ки ҳамасола дар саросари Ватани биҳиштосоямон бо шукуҳу шаҳомати хосса таҷлил мешавад.
Таъкид гардид, ки дар таърихи давлатдории навини тоҷикон Пешвои миллат муҳтарам Эмомалӣ Раҳмон аз зумраи шахсиятҳое мебошанд, ки дар ташаккул ва таҳаввули таърихи навини миллати тоҷик, ҳастии имрӯзу фардои Тоҷикистон, давлатдорӣ ва ҳуқуқи муосири ҷумҳурии соҳибихтиёрамон, эҳёи падидаҳои неку писандида ва арзишҳои волои фарҳангии ниёгонамон хизматҳои барҷаста намудаанд.
Маҳз бо шарофати Истиқлоли давлатӣ обру ва нуфузи Тоҷикистон ҳамчун мамлакати мустақил ва ташаббускор дар самти ҳалли масъалаҳои глобалӣ дар арсаи байналмилалӣ шинохта шуд.
Махсусан, ташаббус ва пешниҳодоти Президенти ҷумҳурӣ муҳтарам Эмомалӣ Раҳмон доир ба масъалаҳои мубрами умумибашарӣ аз ҷониби созмону ташкилоти байналмилалӣ ва давлатҳои абарқудрат ҳамовозии амиқ пайдо намуданд.
Дар ҷаласа собиқадорони агентӣ аз нахустин рӯзҳои ба даст овардани истиқлолият, лаҳзаҳои фаромӯшнашаванда ва дастовардҳои истиқлолияти давлатӣ зери роҳбарии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ёдовар шуданд.
АКС: АМИТ «Ховар»
Дар шаҳри Конибодом сохтмони се кӯдакистон оғоз гардид
Афсарону сарбозон дар Осорхонаи миллӣ бо таъриху фарҳанг ва дастовардҳои замони соҳибистиқлолӣ шинос шуданд
35-СОЛАГИИ ИСТИҚЛОЛИ ДАВЛАТӢ. Дар ноҳияи Абдураҳмони Ҷомӣ сохтмони иншооти гуногун идома дорад
СОЛҲОИ РУШДИ САНОАТ. Дар шаҳри Гулистон корхонаи нави коркарди партов бунёд мегардад
Дар Вилояти Мухтори Кӯҳистони Бадахшон 33 муассисаи томактабӣ сохта мешавад
НИШАСТИ МАТБУОТӢ. Дар ноҳияи Ёвон 5 коргоҳи нави саноатӣ ба истифода дода шуд
Дар шаҳри Хуҷанд 48 корхонаю коргоҳи саноатӣ ба фаъолият оғоз намуд
НИШАСТИ МАТБУОТӢ. Дар вилояти Хатлон 1663 иншооти ҷашнӣ ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар се деҳаи дурдасти шаҳри Роғун кӯдакистон бунёд мегардад
Соли 2024 дар вилояти Суғд 73 иншооти соҳаи маориф ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар шаҳри Истаравшан маҷмааи «Шоҳроҳи абрешим» ба истифода дода мешавад
35-СОЛАГИИ ИСТИҚЛОЛИ ДАВЛАТӢ. Дар Тоҷикистон сохтмони 29 026 иншоот ба нақша гирифта шудааст
