Дар Давлати Кувайт ҷашни Истиқлолияти давлатии Ҷумҳурии Тоҷикистонро таҷлил намуданд
ДУШАНБЕ, 10.09.2024 /АМИТ «Ховар»/. 9 сентябр дар бинои Сафорати Ҷумҳурии Тоҷикистон дар Давлати Кувайт ҷашни Истиқлолияти давлатии Ҷумҳурии Тоҷикистон бо иштироки ҳамватанони муқими Кувайт ва донишҷӯёни тоҷик таҷлил карда шуд. Дар ин хусус ба АМИТ «Ховар» дар Сафорати Ҷумҳурии Тоҷикистон дар Давлати Кувайт хабар доданд.
Сафири Ҷумҳурии Тоҷикистон дар Давлати Кувайт Зубайдулло Зубайдзода аҳаммият ва маънои Истиқлолиятро шарҳ дод ва ҳамватанонро ба ҳифзи арзишҳои Истиқлолият, якпорчагӣ ва дастовардҳои даврони соҳибихтиёрии Тоҷикистон даъват намуд.
Дар идома доир ба мавзуъҳои таърихи Истиқлолияти давлатии Тоҷикистон, нақши Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар роҳи расидан ба сулҳу суботи миллӣ, дастовардҳои замони соҳибистиқлолӣ ва ташаббусҳои байналмилалии кишвар дар арсаи ҷаҳонӣ маърӯза карда шуд.
Дар ҳамоиши идона намунаи ҳунарҳои мардумӣ, гӯшаи дастовардҳои Тоҷикистон дар даврони соҳибистиқлолӣ муаррифӣ гардида, китобҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон оид ба таъриху фарҳанги тоҷикон ба намоиш гузошта шуданд.
Ҳамзамон як зумра ҳамватанони муқим ва шаҳрвандони хориҷӣ, ки дар чорабиниҳои ҷамъиятии Сафорат фаъолона иштирок намудаанд, бо ифтихорномаҳо сарфароз гардонида шуданд.
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Сафири Тоҷикистон дар Ҷумҳурии Корея бо мудири иҷроияи AFoCO мулоқот намуд
Дар Боку тавсеаи ҳамкории Тоҷикистон ва Озарбойҷон дар соҳаи воситаҳои ахбори омма баррасӣ гардид
Дар Сафорати Ҷумҳурии Тоҷикистон дар Русия Рӯзи Модар таҷлил гардид
Сафири Тоҷикистон дар Амрико бо Директори иҷроияи ширкати Mooney Group мулоқот кард
Дар Қоҳира масъалаи таҳкими ҳамкории Тоҷикистону Миср баррасӣ шуд
Имконияти ҳамкорӣ байни Тоҷикистон ва ширкати NVIDIA дар соҳаи зеҳни сунъӣ баррасӣ гардид
Сарвазири Тоҷикистон Қоҳир Расулзода ба роҳбарият ва мардуми Эрон изҳори тасаллият ва ҳамдардӣ намуд
