Дар Душанбе дар мавзуи «Мақоми занон дар таҳкими Истиқлоли давлатӣ» ҳамоиш доир гардид
ДУШАНБЕ, 19.09.2024. /АМИТ «Ховар»/. «Мақоми занон дар таҳкими Истиқлоли давлатӣ» — таҳти ин унвон дар Душанбе бо иштироки ходимони давлатӣ, олимон ва омӯзгорон ҳамоиш баргузор гардид. Дар ин хусус ба АМИТ «Ховар» дар Академияи идоракунии давлатии назди Президенти Ҷумҳурии Тоҷикистон хабар доданд.
Дар ҳамоиш иброз гардид, ки бо шарофати Истиқлоли давлатӣ аз тарафи Ҳукумати Ҷумҳурии Тоҷикистон барои занону духтарон имтиёзҳои давлатӣ амалӣ гардидаанд, ки нишон аз баланд бардоштани мақоми зан дар ҷомеа мебошад.
Дар замони соҳибистиқлолӣ ба тасвиб расидани фармонҳои Президенти Ҷумҳурии Тоҷикистон «Дар бораи баланд бардоштани мақоми зан дар ҷомеа», «Дар бораи кафолатҳои давлатии баробарҳуқуқии мардону занон ва имконияти баробари амалигардонии онҳо», «Барномаи давлатии таъмини ҳуқуқҳои баробар ва имконияти баробари мардон ва занон», «Барномаи давлатии дастгирӣ ва тайёр намудани кадрҳои роҳбарикунанда аз ҳисоби занон ва духтарони лаёқатманд» ва «Стратегияи миллии фаъолгардонии нақши занон дар Ҷумҳурии Тоҷикистон барои солҳои 2021-2030» аз ҷумлаи санадҳои меъёрию ҳуқуқӣ ва тадбирҳое мебошанд, ки ба иштироки фаъолонаи занон дар ҳаёти ҷомеа мусоидат менамоянд.
Имрӯз занони Тоҷикистон дар зинаҳои гуногун дар тамоми соҳаҳои ҳаёт- мақомоти олии қонунгузор, ҳокимияти судӣ ва иҷроия, сохторҳои давлатӣ ва иттиҳодияҳои ҷамъиятӣ фаъол буда, дар рушди соҳаҳои ҷомеа саҳми арзанда доранд.
Аз шумораи умумии хизматчиёни давлатӣ 25 фоиз, аз ҷумла дар вазифаҳои роҳбарикунанда қариб 20 фоизро занон ташкил медиҳанд.
Шумораи умумии занон дар соҳаи маориф 73 фоиз, тандурустӣ 71 фоиз, фарҳанг 47 фоиз, бонкдорӣ 39 фоиз, алоқа 25 фоиз ва дар соҳаи хизматрасонии иттилоотӣ қариб 40 фоизро ташкил медиҳад.
Бархе аз иштирокчиён вобаста ба ташаккул ва рушди сиёсати гендерӣ дар замони соҳибистиқлолӣ, доир ба нақши занон дар рушди хизмати давлатӣ, саҳми занон дар таҳкими тафаккури миллӣ ва тарбияи ватандӯстӣ маъруза намуданд.
АКС: Академияи идоракунии назди Президенти Ҷумҳурии Тоҷикистон
35-СОЛАГИИ ИСТИҚЛОЛИ ДАВЛАТӢ. Дар ҷамоатҳо ва шаҳраки ноҳияи Мурғоб иншооти ҷашнӣ бунёд мешаванд
Сарвари давлат Эмомалӣ Раҳмон бо фаъолони соҳаи саноати вилояти Суғд мулоқот намуданд
Пешвои миллат Эмомалӣ Раҳмон дар ноҳияи Бобоҷон Ғафуров ба сохтмони корхонаи ғанигардонии маъдани оҳани ҶСП «Комбинати металлургии тоҷик» санги асос гузоштанд
Бинои Маркази таъминоти бехатарии озуқаворӣ дар шаҳри Конибодом навсозӣ мегардад
Президенти Тоҷикистон Эмомалӣ Раҳмон дар ноҳияи Бобоҷон Ғафуров корхонаи парандапарварии ҶДММ «Саховат»-ро ифтитоҳ намуданд
Пешвои миллат Эмомалӣ Раҳмон дар деҳаи Шамсободи ноҳияи Бобоҷон Ғафуров Маркази саломатиро мавриди истифода қарор доданд
Сарвари давлат Эмомалӣ Раҳмон дар ноҳияи Бобоҷон Ғафуров бинои Муассисаи таҳсилоти томактабии «Наврӯз»-ро баъд аз навсозӣ ба истифода доданд
Пешвои миллат Эмомалӣ Раҳмон дар шаҳри Хуҷанд корхонаи муштараки истеҳсоли профилҳои пластикӣ ва алюминии ҶДММ «Афранг Пластик»-ро мавриди истифода қарор доданд
Президенти Тоҷикистон Эмомалӣ Раҳмон дар шаҳри Хуҷанд корхонаи истеҳсоли панелҳои сохтмонии ҶДММ «Тоҷпанел»-ро ифтитоҳ намуданд
Сарвари давлат Эмомалӣ Раҳмон дар шаҳри Хуҷанд Муассисаи таҳсилоти томактабии Навбаҳорро ифтитоҳ намуданд
Дар шаҳри Турсунзода Маркази саломатии деҳавии «Саркор» ба истифода дода шуд
Президенти Тоҷикистон Эмомалӣ Раҳмон дар ноҳияи Бобоҷон Ғафуров Корхонаи истеҳсоли ашёи рӯзгори ҶДММ «Ситора саноат»-ро мавриди истифода қарор доданд
