Дар Душанбе дар мавзуи нақши занон дар фаъолияти милитсияи тоҷик ҳамоиш доир гардид
ДУШАНБЕ, 16.09.2024. /АМИТ «Ховар»/. Бо ибтикори Вазорати корҳои дохилии Ҷумҳурии Тоҷикистон дар ҳамкорӣ бо Созмони амният ва ҳамкорӣ дар Душанбе таҳти унвони «Нақши зан — корманди мақомоти корҳои дохилӣ дар фаъолияти милитсияи Тоҷикистон» ҳамоиш баргузор гардид. Дар ин хусус ба АМИТ «Ховар» дар Вазорати корҳои дохилии Ҷумҳурии Тоҷикистон хабар доданд.
Иброз гардид, ки занони мақомоти корҳои дохилӣ дар баробари мардон бо саҳмгузорӣ дар таъмини ҳифзи тартиботи ҷамъиятӣ ва амнияти шаҳрвандон истеъдоду лаёқати баланди корбарӣ, вафодорӣ ва садоқат ба ин пешаи пурифтихор зоҳир менамоянд.
Дар раванди ислоҳоти милитсия дар ҳарду марҳила ба фаъолияти занон таваҷҷуҳи хосса зоҳир карда шуд. Дар доираи Барномаи ислоҳоти милитсия барои баланд бардоштани нақши зан дар мақомоти корҳои дохилӣ, фароҳам овардани шароиту фазои мусоиди корӣ барои занон дар мақомоти корҳои дохилӣ ва ба танзим даровардани фаъолияти Ассотсиатсияи шуроҳои занон ва шуроҳои занони мақомоти корҳои дохилӣ дар Вазорати корҳои дохилии Ҷумҳурии Тоҷикистон Ассотсиатсияи шуроҳои занони мақомоти корҳои дохилии Ҷумҳурии Тоҷикистон тасдиқ гардид.
Дар Вазорати корҳои дохилӣ ислоҳоти милитсия аз соли 2013 оғоз ёфта, бо қарори Ҳукумати Ҷумҳурии Тоҷикистон ду маротиба «Барномаи ислоҳоти (рушди) милитсия барои солҳои 2014-2020 ва 2021-2025» тасдиқ карда шуд.
Дар сиёсати иҷтимоии Ҳукумати Ҷумҳурии Тоҷикистон ба масъалаи баланд бардоштани мақоми занон дар ҳаёти ҷомеа диққати ҷиддӣ дода мешавад. Ҳуқуқҳои занон қисми таркибии ҳуқуқҳои умумии инсон мебошанд. Фароҳам овардани шароит барои иштироки ҳамаҷониба ва баробари занон дар соҳаҳои сиёсӣ, иқтисодӣ, иҷтимоӣ ва фарҳангии ҷомеа самти афзалиятноки сиёсати давлатии Ҷумҳурии Тоҷикистон ба ҳисоб меравад.
Дар Ҷумҳурии Тоҷикистон дар самти барорбарии гендерӣ дар самтҳои сиёсӣ, иқтисодӣ, иҷтимоӣ ва фарҳангӣ зиёда аз 60 санади меъёрии ҳуқуқии дохилӣ ва байналмилалӣ амал мекунад.
АКС: Вазорати корҳои дохилии Ҷумҳурии Тоҷикистон
Дар Москва нишасти сездаҳуми котибони Шурои амнияти кишварҳои ИДМ баргузор шуд
Дар мақомоти корҳои дохилии шаҳри Душанбе ба муносибати Рӯзи Конститутсия ҳамоиши илмӣ – маърифатӣ доир шуд
Вазорати нақлиёти Тоҷикистон: «Новобаста аз боридани барф дар минтақаҳои кӯҳӣ ва ағбаҳо роҳҳои мошингарди ҷумҳурӣ кушода аст»
Дар шаҳри Гулистон масъалаи бехатарии радиатсионӣ ва идоракунии партовҳои радиоактивӣ баррасӣ гардид
Мақомоти корҳои дохилии Душанбе ҳамкориро бо Департаменти бехатарии шаҳри Нанкини Чин тақвият мебахшад
Раёсати Вазорати корҳои дохилӣ дар шаҳри Душанбе бахшида ба Рӯзи Президент озмун эълон менамояд
Дар Шуғнон бо мақсади пешгирӣ аз омилҳои номатлуб бо хонандагон, омӯзгорон ва падару модарон вохӯрӣ доир гардид
95 ҲОДИСАИ НОХУШИ НАҚЛИЁТӢ ДАР ДУШАНБЕ. Пиёдагардон низ мисли ронандагон ҷарима карда шаванд
Намояндаи Тоҷикистон дар нишасти роҳбарони ниҳодҳои миллии зиддимухадиротии кишварҳои Аврупо дар Вена иштирок дорад
Дар Теҳрон ҷаласаи 4-уми вазирони корҳои дохилии кишварҳои узви Созмони ҳамкории иқтисодӣ доир гардид
ҚОИДАҲОИ ҲАРАКАТ ДАР РОҲРО РИОЯ НАМОЕД! Дар нуҳ моҳ дар Тоҷикистон 999 ҳодисаҳои роҳу нақлиёт ба қайд гирифта шудааст
Машқҳои ҳарбии муштараки «Бародарии шикастнопазир-2025», «Монеа-2025» ва «Иттиҳоди зиддитеррористӣ-2025» анҷом ёфтанд
