Дар ноҳияи Ашт доир ба рушди хучпарварӣ ва моҳипарварӣ машғулияти ҷумҳуриявӣ баргузор шуд
ДУШАНБЕ, 24.09.2024 /АМИТ «Ховар»/. 22 сентябр дар ноҳияи Ашти вилояти Суғд таҳти унвони «Рушди соҳаи хучпарварӣ ва моҳипарварии инноватсионӣ» машғулияти илмӣ-амалии ҷумҳуриявӣ баргузор гардид. Дар ин хусус ба АМИТ «Ховар» дар Вазорати кишоварзии Ҷумҳурии Тоҷикистон иттилоъ доданд.
Президенти Ҷумҳурии Тоҷикистон муҳтарам Эмомалӣ Раҳмон зимни сафари корӣ ба шаҳру ноҳияҳои вилояти Суғд, аз ҷумла ноҳияи Ашт 8 сентябри имсол супориш доданд, ки дар ин ноҳия соҳаи моҳипарварӣ ва хучпарварӣ тақвият дода шавад.
Муовини Сарвазири Ҷумҳурии Тоҷикистон Сулаймон Зиёзода зимни машғулияти илмӣ-амалии ҷумҳуриявӣ иброз намуд, ки дар Тоҷикистон барои рушди ин ду бахши сердаромади соҳаи кишоварзӣ имконият бештар аст. Бояд таҷрибаи хоҷагидорони ноҳияи Ашт ҳамаҷониба мавриди омӯзиш қарор гирифта, дар дигар минтақаҳои малакат татбиқ шавад.
Иттилоъ дода шуд, ки аз соли 2018 инҷониб дар деҳоти Ошобаи ноҳияи Ашт Ҷамъияти дорои масъулияти маҳдуди «Рахшона» дар зиёда аз 70 гектар замини ғайрикишоварзӣ 22 ҳавзи парвариши моҳӣ ташкил намудааст. Дар ин мавзеъ бори аввал дар ҳавзҳои суперинтенсивӣ моҳӣ парвариш намуданд. Дар як гектар ҳавзи суперинтенсивӣ имкони парвариши зиёда аз 10 ҳазор моҳӣ мавҷуд аст. Дар ҳавзи муқаррарӣ дар ҳамин масоҳат метавон ҳамагӣ 2,5 ҳазор моҳӣ парвариш намуд. Хоҷагидорон дар солҳои 2019-2023 1 ҳазору 200 тонна гӯшти моҳӣ истеҳсол намудаанд. Инчунин дар айни замон дар ду ҳавз зиёда аз 10 ҳазор мурғобӣ парвариш мешавад.
Дар ҳудуди Ҷамъияти дорои масъулияти маҳдуди «Рахшона» ба ғайр аз ҳавзҳои моҳипарварӣ зиёда аз 1000 гектар замини корам ва бештар аз 150 гектар боғи хуч, зардолу, биҳӣ, ангур ва анор мавҷуд аст. Хоҷагидорон соли 2023 аз ҳамин масоҳат қариб 200 тонна меваи хуч ҷамъоварӣ намуданд.
Дар ду соли охир дар ноҳия 3,3 ҳазор тонна хуч истеҳсол гардид. 400 тоннаи он ба таври мустақим ба хориҷи мамлакат содирот ва боқимонда ба дигар минтақаҳои Тоҷикистон барои коркард, бандубаст ва содироти минбаъда интиқол дода шуд.
Дар ҷараёни машғулият иштирокдорон вобаста ба парвариш ва аҳамияти хуч ва моҳӣ мубодилаи афкор намуданд. Иброз гардид, ки таҷрибаи деҳқонони ноҳияи Ашт бояд дар дигар минтақаҳои мамлакат пурра татбиқ гардад.
АКС: Вазорати кишоварзии Ҷумҳурии Тоҷикистон
Дар Шарҷа масъалаи тақвияти ҳамкории иқтисодӣ байни Тоҷикистон ва Амороти Муттаҳидаи Араб баррасӣ гардид
Ҷаласаи Гурӯҳи корӣ оид ба мониторинг ва арзёбии ҳуҷҷатҳои банақшагирии стратегӣ дар соли 2025 доир шуд
Имконоти гидроэнергетикии Тоҷикистон дар Конфронси 29-уми ҷаҳонии сармоягузорӣ дар Шарҷа муаррифӣ гардид
Пахтакорӣ яке аз бахшҳои муҳими соҳаи кишоварзии ноҳияи Данғара ҳисобида мешавад
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Раванди омодагӣ ба Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор» баррасӣ шуд
Намояндаи Тоҷикистон дар ҷаласаи Шурои байнидавлатӣ оид ба сиёсати зиддиинҳисорӣ дар Беларус иштирок намуд
Тоҷикистон ва Чин тасмим гирифтаанд, ки ҳамкориро дар соҳаи обуҳавошиносӣ тақвият диҳанд
Вазирони энергетикаи Тоҷикистон ва Эрон масъалаҳои иҷрои протоколи Комиссияи муштараки байниҳукуматиро баррасӣ намуданд
Татбиқи марҳилаи чоруми Лоиҳаи метеорологии Финляндия ва Тоҷикистон баррасӣ гардид
Ташаббусҳои глобалии Тоҷикистон дар соҳаи об дар ҷаласаи Конфронси исломии вазирони масъул оид ба масъалаҳои об дар Ҷидда баррасӣ гардид
Дар ноҳияи Восеъ иншооти таъйиноти гуногун мавриди истифода қарор гирифтанд
