Дар Тоҷикистон дар майдони беш аз 200 ҳазор гектар кишти такрорӣ гузаронида шуд
ДУШАНБЕ, 01.09.2024 /АМИТ «Ховар»/. Дар ҳамаи шаклҳои хоҷагидорӣ дар ҷумҳурӣ дар майдони 200 ҳазору 440 гектар кишти такрории зироат гузаронида шуд, ки нисбат ба нақша 4318 гектар зиёд мебошад. Имсол тибқи нақша дар ҳамаи шаклҳои хоҷагидории мамлакат бояд дар майдони 196 ҳазору 789 гектар кишти такрорӣ гузаронида мешуд, иттилоъ доданд ба АМИТ «Ховар» дар Вазорати кишоварзии Ҷумҳурии Тоҷикистон.
Вазорати кишоварзӣ дар асоси дастуру супоришҳои Ҳукумати Ҷумҳурии Тоҷикистон бо мақсади таъмини амнияти озуқавории мамлакат, танзими нарх дар бозорҳои истеъмолӣ ва афзун намудани иқтидори содиротии маҳсулоти кишоварзӣ дар хоҷагиҳои деҳқонӣ ва ҷамоавии ҷумҳурӣ нақшаи кишти такрориро зиёд иҷро намуд.
Ба гуфтаи мутахассисони соҳаи кишоварзӣ, риоя намудани муҳлати кишти зироат ва сари вақт иҷро намудани корҳои агротехникӣ омили муҳими фаровонҳосилӣ мебошанд. Майдонҳое, ки ба кишти зироати кишоварзӣ омода шудаанд, вобаста ба ҷойгиршавии минтақаҳо бояд, ки муҳлати кишти онҳо ҳатман риоя шавад.
Ҳоло дар мамлакат кишти такрорӣ идома дошта, то ин муддат ғалладонагиҳо, ҷуворимакка барои дон, шолӣ, сабзавот, картошка, зироати техникӣ ва зироати хӯроки чорво кишт шудааст.
АКС: АМИТ «Ховар»
Тоҷикистон ва Қирғизистон тасмим гирифтаанд, ки ҳаҷми савдоро то ба 500 миллион доллар расонанд
Пагоҳ дар Душанбе нахустин Форуми байналмилалии нассоҷӣ оғоз меёбад
Дар 5 моҳи соли 2025 гардиши савдои мутақобила байни Тоҷикистон ва Қирғизистон 6,1 миллион долларро ташкил дод
Агентии Ҷопон оид ба ҳамкории байналмилалӣ дар Душанбе зеристгоҳи нави барқии 220 кВ месозад
НАЗАРИ КОРШИНОС. Дар муқоиса ба соли 1991 истеҳсоли неруи барқ дар Бадахшон 4,7 баробар зиёд гардидааст
Барои рушди соҳаи занбуриасалпарварӣ дар Тоҷикистон тадбирҳои иловагӣ андешида мешаванд
Дар Тоҷикистон наздикӣ 1000 адад гармхонаҳои доимамалкунанда фаъолият мекунанд
Бонки аврупоии таҷдид ва рушд омодагии худро ҷиҳати татбиқи лоиҳаҳои нав дар вилояти Суғд баён дошт
Бонки миллии Тоҷикистон бо IFSB омодасозии кадрҳои баландихтисос дар соҳаи бонкдориро баррасӣ намуданд
Дар корхонаи муштараки «Зарафшон» 3000 нафар сокинони маҳаллӣ фаъолият менамоянд
Гардиши савдои хориҷии Тоҷикистон бо Швейтсария 49,8 миллион долларро ташкил дод
Дар Хоруғ Форуми байналмилалии сармоягузории «Помиринвест -2025» баргузор мешавад
