Масъалаҳои мубрами филология ва усулҳои таълими он дар шароити рушди инноватсионӣ баррасӣ гардиданд
ДУШАНБЕ, 22.09.2024 /АМИТ «Ховар»/. Дар Донишгоҳи давлатии Хуҷанд ба номи академик Бобоҷон Ғафуров дар мавзуи «Масъалаҳои мубрами филология ва усулҳои таълими он дар шароити рушди инноватсионӣ» конференсияи ҷумҳуриявии илмӣ-амалӣ доир гардид, хабар медиҳад АМИТ «Ховар» бо истинод ба ин донишгоҳ.
Конференсия бахшида ба Соли маърифати ҳуқуқӣ ва татбиқи «Барномаи давлатии такмили таълим ва омӯзиши забонҳои русӣ ва англисӣ дар Ҷумҳурии Тоҷикистон барои давраи то соли 2030» доир шуд. Иброз гардид, ки сиёсати маорифпарварона ва дурбинонаи Президенти Тоҷикистон муҳтарам Эмомалӣ Раҳмон барои таълим ва омӯзиши забонҳои хориҷӣ, аз ҷумла забони русӣ шароити муосид фароҳам меорад.
Тавре Президенти ҷумҳурӣ иброз доштаанд, дар тамоми зинаҳои таҳсил – аз муассисаҳои томактабӣ сар карда, то гимназияву литсейҳо ва зинаҳои дигари таҳсил ба таври ҳатмӣ омӯхтани забонҳои хориҷӣ, махсусан забонҳои русиву англисӣ ва технологияҳои иттилоотӣ зарурати бештар дорад.
Донишгоҳи давлатии Хуҷанд ба номи академик Бобоҷон Ғафуров дар самти иҷрои дастуру супоришҳои Пешвои миллат тадбирҳои муҳимеро марҳила ба марҳила амалӣ менамояд.
Ҳоло дар донишгоҳ факултети филологияи рус ва кафедраи умумидонишгоҳии забони русӣ вуҷуд дорад, ки ҳазорҳо нафар мутахассисони варзидаи соҳаи омӯзгориро омода менамояд. Давоми панҷ соли охир дар факултет 7 монография ва 27 китоби дарсиву дастурҳои таълимии устодон ба нашр расида, 737 мақолаи илмӣ рӯи чоп омад.
Дар конференсия мавзуъҳои «Мушкилот ва рушди забони русӣ дар Тоҷикистон», «Усулҳо ва шаклҳои методи интерактивии таблиғи забони русӣ дар байни ҷавонони давлатҳои Осиёи Марказӣ» ва «Таълими забони русӣ дар мактабҳои олии Тоҷикистон: талаботи нав дар тамоюлҳо» баррасӣ гардиданд.
Иштирокдорон баргузории конференсияро барои боз ҳам беҳтар намудани фазои омӯзиши забони русӣ, таълими он дар муассисаҳои миёна ва олии касбӣ, нашри асарҳои илмӣ ва тайёр кардани кадрҳои баландихтисоси соҳаи илм ва омӯзгорӣ муҳим арзёбӣ намуданд.
АКС: Донишгоҳи давлатии Хуҷанд ба номи академик Бобоҷон Ғафуров
«ЯКҶОЯ БА СӮИ САЛОМАТӢ…». Ба сокинони шаҳри Душанбе хизмати ройгони тиббӣ расонида шуд
Дар Коллеҷи информатика ва техникаи компютерии шаҳри Душанбе озмоишгоҳи физика ифтитоҳ шуд
Бахшида ба Рӯзи кормандони мақомоти иҷро ҳамоиши тантанавӣ баргузор шуд
КАДБОНУИ БЕҲТАРИН. Дар Хуҷанд даври шаҳрии ин озмуни ҷумҳуриявӣ доир гардид
Дар Тоҷикистон «Ҳафтаи саломатӣ ва ҳуқуқи инсон» баргузор мегардад
Дар ноҳияи Ёвон бинои нави Суди ноҳия ба истифода дода шуд
Дар шаҳру ноҳияҳои Суғд Фестивали ҷумҳуриявии дӯстии ҷавонон идома дорад
Ҳамкории Тоҷикистон ва Иттиҳоди Аврупо дар самти ҳуқуқи инсон тақвият меёбад
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
Оид ба татбиқи нақшаи амали Стратегияи миллии фаъолгардонии нақши занон дар Тоҷикистон конференсия доир шуд
Дар Институти геология, сохтмони ба заминҷунбӣ тобовар ва сейсмология Маркази мониторинги сейсмикӣ ба истифода дода шуд
Намояндагони Сафорати Тоҷикистон дар Федератсияи Русия бо донишҷӯёни тоҷик вохӯрӣ намуданд
