35-СОЛАГИИ ИСТИҚЛОЛИЯИ ДАВЛАТӢ. Дар Шуғнон осоишгоҳи табобатӣ ва корхонаҳои саноатӣ ба истифода дода шуданд
ДУШАНБЕ, 16.10.2024. /АМИТ «Ховар». Дар доираи сафари кории Президенти Ҷумҳурии Тоҷикистон муҳтарам Эмомалӣ Раҳмон ба шаҳру ноҳияҳои Вилояти Мухтори Кӯҳистони Бадахшон ва бахшида ба 35-солагии Истиқлолияти давлатии Ҷумҳурии Тоҷикистон дар Ҷамоати деҳоти Ванқалъаи ноҳияи Шуғнон бо иштироки намояндагони дахлдори мамлакат корхонаҳои саноатӣ ва осоишгоҳи табобатӣ ба истифода дода шуданд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Шуғнон хабар медиҳад.
Осоишгоҳи табобатӣ ба талаботи санитариву гигиенӣ ҷавобгӯ буда, дорои ҳуҷраҳои барҳаво ва ҳавзҳои шиноварӣ бо фарогирии 7 ҷойи кор мебошад. Он тибқи талаботи меъморию шаҳрсозӣ сохта шуда, дар як шабонарӯз метавонад ба 15 нафар хизмат расонад.
Осоишгоҳ аз ҳисоби соҳибкори маҳаллӣ дар ҳамкорӣ бо шарикони рушд бо тарҳи наву замонавӣ ба истифода дода шуд.
Инчунин дар ноҳия корхонаи истеҳсоли хиштҳои сементии Ҷамъияти дорои масъулияти маҳдуди «Субҳия» ба фаъолият оғоз намуд.
Коргоҳ дорои таҳҷизот ва технологияи нави истеҳсолӣ буда, сохтмони он соли 2023 оғоз гардида буд. Зимни бунёди иншоот 11 сохтмончии маҳаллӣ бо ҷойи кор таъмин гардид.
Корхонаи истеҳсоли нон ва маҳсулоти нонӣ, ки дар деҳаи Боғеви Ҷамоати деҳоти Сучони ноҳияи Шуғнон қарор дорад, низ ба истифода дода шуд.
Корхона дар заминаи корхонаи ғалла бунёд ёфта, барои ба фурӯш баровардани маҳсулоти ниҳоии нонӣ дар ҳудуди ноҳия пешбинӣ шудааст.
АКС: Мақомоти иҷроияи ҳокимияти давлатии ноҳияи Шуғнон
Дар маҳаллаи Сангин Ниёзови ноҳияи Мастчоҳ Маркази хайриявии таълимию касбомӯзии «Тоҷикона» ба истифода дода шуд
СОЛИ ОБОДОНИЮ СОЗАНДАГӢ. Дар шаҳри Хоруғ беш аз 5 ҳазор гул шинонида шуд
СОЛИ ВУСЪАТ ДОДАНИ КОРҲОИ ОБОДОНИВУ СОЗАНДАГӢ. Дар Мастчоҳ якчанд иншооти иҷтимоӣ ба истифода дода шуд
СОЛИ ОБОДОНИЮ СОЗАНДАГӢ. Дар деҳаи Оламафрӯзи Ҷамоати Лолазори ноҳияи Данғара пули мошингузар ба истифода дода шуд
Дар ноҳияи Ёвон бинои нави Суди ноҳия ба истифода дода шуд
Президенти Ҷумҳурии Тоҷикистон Эмомалӣ Раҳмон бо рафти корҳои сохтмонӣ дар бинои Театри миллӣ шинос шуданд
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
Президенти Ҷумҳурии Тоҷикистон Эмомалӣ Раҳмон доир ба рафти омодагиҳо ба таҷлили ҷашни 35-солагии Истиқлоли давлатии Ҷумҳурии Тоҷикистон машварати корӣ доир намуданд
СОЛИ ОБОДОНИЮ СОЗАНДАГӢ. Сокинони деҳаи ба номи Ортиқ Ҷумаеви шаҳри Турсунзода бо оби нӯшокӣ таъмин шуданд
Дар доираи сафари кории Президенти Тоҷикистон дар Исфара иншооти соҳаи тандурустӣ ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Мастчоҳ 735 иншоот бунёду навсозӣ гардидааст
Пешвои миллат Эмомалӣ Раҳмон дар шаҳри Исфара ба таври фосилавӣ як қатор иншооти иҷтимоиро мавриди истифода қарор доданд
