60 нафар зани ҳунарманд соҳиби гранти Раиси вилояти Суғд гардиданд
ДУШАНБЕ, 24.10.2024. /АМИТ «Ховар»/. Ба 60 нафар занони ҳунарманд гранти Раиси вилояти Суғд дода шуд. Дар ин хусус ба АМИТ «Ховар» дар хадамоти матбуоти Раиси вилояти Суғд хабар доданд.
Дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон тибқи қарори Ҳукумати Ҷумҳурии Тоҷикистон ҳар сол барои рушди соҳибкории хурд ва миёна, ба касбомӯзӣ ҷалб намудани занону духтарон, баланд бардоштани маърифати ҳуқуқии онҳо ва фароҳам овардани ҷойи нави кор гранти президентӣ ҷудо карда мешавад, ки маблағи он аз 10 то 40 ҳазор сомониро ташкил медиҳад.
Соли 2024 24 нафар занони вилоят бо пешниҳоди лоиҳаҳо соҳиби гранти президентӣ гардиданд.
Таъкид шуд, ки занони ҳунарманди вилоят солҳои 2010-2023 ба маблағи 4 миллион сомонӣ маблағҳои грантиро соҳиб шуданд. Онҳо бо ин маблағҳо дар баробари беҳтар намудани шароити иқтисодии оилаашон ҳамчунин барои занону духтарони дигар ҷойи нави кори доимӣ таъсис доданд.
Соли равон дар доираи Солҳои рушди саноат (2022-2026) барои 60 нафар занон гранти Раиси вилояти Суғд, аз ҷумла 15 грант дар ҳаҷми 10 ҳазор сомонӣ, 15 грант дар ҳаҷми 8 ҳазор сомонӣ ва 30 грант дар ҳаҷми 5 ҳазор сомонӣ пешбинӣ гардидааст.
Ба комиссияи грантҳои Раиси вилояти Суғд 138 лоиҳаи дархостӣ барои рушди ҳунарҳои гулдӯзӣ, қуроқдӯзӣ, армуғонсозӣ, адрасбофӣ, қолинбофӣ, қаннодӣ, гулпарварӣ ва амсоли инҳо пешниҳод шуд.
Тибқи лоиҳа, зиёда аз 550 нафар занон бо кору омӯзиш фаро гирифта мешаванд.
Бо иқдом ва дастгириҳои Сарвари давлат ҳунарҳои мардумӣ дар вилояти Суғд рушд меёбанд. Ҳоло 288 маркази ҳунармандӣ, аз ҷумла 108 маркази таълимӣ-истеҳсолии атласу адрасбофӣ ва 180 маркази намудҳои дигари ҳунарҳо фаъолият доранд. Дар марказҳои таълимӣ — истеҳсолии атласу адрасбофӣ 30 ҳазору 837 нафар занону духтарони хонанишин ба ҳунармандӣ ҷалб шудаанд.
Ҳамчунин дар вилоят 40 коргоҳи дӯзандагӣ фаъолият менамояд, ки ба амалишавии ҳадафи чоруми миллӣ- саноатикунонии босуръати мамлакат мусоидат менамоянд.
АКС: Хадамоти матбуоти Раиси вилояти Суғд
Дар Рӯзи кормандони соҳаи энергетика фаъолони соҳа қадрдонӣ шуданд
ИМРӮЗ-РӮЗИ ЭНЕРГЕТИКҲО. Неругоҳи барқи обии «Роғун» беназиртарин тарҳи гидроэнергетикӣ дар минтақа аст
Дар Агентии содироти Тоҷикистон бахшида ба Соли маърифати ҳуқуқӣ ҳамоиш баргузор шуд
Барои татбиқи лоиҳаи «Барномаи рушди НБО-и «Роғун», марҳилаи 1» 270 миллион доллар ҷудо гардид
Коршиносони ширкати Чин бо шароити хизматрасонии ҳаракати ҳавоӣ дар «Тоҷикаэронавигатсия» шинос шуданд
Озмуни байналмилалии «Кашфи олами моликияти зеҳнӣ» ҷамъбаст шуд
Вобаста ба нақши дипломатияи фарҳангӣ дар рушди иқтисоди Тоҷикистон ва Эрон ҳамоиш доир шуд
Мулоқоти Қоҳир Расулзода бо Директори генералии Фонди кувайтии рушди иқтисодиёти араб Валид Ал-Баҳар
Бахшида ба Рӯзи кормандони соҳаи энергетика дар неругоҳи «Сангтӯда -1» ҳамоиши тантанавӣ доир шуд
Барои татбиқи лоиҳаи «Маблағгузории устувор барои НБО-и «Роғун» созишномаи молиявӣ ба имзо расид
Дар Маркази миллии патенту иттилоот ҷаласаи муштарак доир гардид
Дар Душанбе масъалаи идоракунии захираҳои табиӣ ва тағйирёбии иқлим баррасӣ гардид
