Бахшида ба Рӯзи иттифоқҳои касаба дар Суғд ҳамоиш доир шуд
ДУШАНБЕ, 23.10.2024. /АМИТ «Ховар»/. 22 октябр дар вилояти Суғд бахшида ба Рӯзи иттифоқҳои касаба (24 октябр) ҳамоиши идона доир гардид. Дар ин хусус ба АМИТ «Ховар» дар Федератсияи иттифоқҳои касабаи мустақили Тоҷикистон хабар доданд.
Дар ҳамоиш вобаста ба дастовардҳои Иттифоқҳои касабаи вилоят дар самти татбиқи сиёсати иҷтимоии Ҳукумати Ҷумҳурии Тоҷикистон ва ҳифзи манфиатҳои иҷтимоию иқтисодии коргарон ибрози назар карда шуд.
Таъкид гардид, ки имрӯз Федератсияи иттифоқҳои касабаи мустақили Тоҷикистон ташкилоти ҷамъиятии бонуфузи мамлакат ва қисми таркибии ҷомеаи шаҳрвандӣ маҳсуб мешавад.
Иттифоқи касабаи вилоят фаъолияташро ба замони муосир мутобиқ намуда, дар ҳифзи манфиат ва ҳимояи ҳуқуқҳои аъзояш талош меварзад. Он дар татбиқи ҳадафҳои иҷтимоию иқтисодии давлат пайваста нақши босазо мегузорад.
Дар анҷоми ҳамоиш як зумра сарварони ташкилоту корхонаҳо ва фаъолон, ки дар болоравии ҳаракати иттифоқҳои касаба саҳми арзанда гузоштаанд, бо медали «Барои шарикии иҷтимоӣ», нишони сарисинагии «Фаъоли иттифоқи касаба», ифтихорномаҳои Федератсияи иттифоқҳои касабаи мустақили Тоҷикистон ва Шурои иттифоқҳои касабаи вилояти Суғд қадрдонӣ гардиданд.
Инчунин ба ғолибони озмунҳои вилоятӣ, ки 20 сентябр ҷамъбаст гардиданд, Диплом ва маблағи пулӣ супорида шуд.
АКС: Федератсияи иттифоқҳои касаби мустақили Тоҷикистон
ГРАНТИ ПРЕЗИДЕНТӢ. Занони хоҳишманд метавонанд лоиҳаҳои грантиро пешниҳод намоянд
Дар Тоҷикистон ҳавои номусоид то 11 март боқӣ мемонад
Эмомалӣ Раҳмон: «Модарон дар тарбияи насли нав масъулияти беназир доранд»
Табиат мекунад моро табобат! Сиёҳалаф дорои витаминҳои табиӣ мебошад
Пешвои миллат: «Занон дар ҳама соҳаҳои рушди Тоҷикистон саҳми арзанда доранд»
Эмомалӣ Раҳмон: «Модарон намунаи ахлоқ ва масъулияти ҷомеа мебошанд»
Эмомалӣ Раҳмон: «Донишмандии зан омили пешрафти тамоми миллат аст»
ЗАН БЕҲТАРИН ВА ОХИРИН ТУҲФАИ ОСМОНӢ АСТ. Гуфтаҳои бузургон дар васфи Зан – Модар
ҲАМДУ САНО БА ЗАН-МОДАР, КИ МУҲАББАТИ Ӯ ИНТИҲО НАДОРАД. Иқтибосҳо аз суханрониҳои Президенти Тоҷикистон Эмомалӣ Раҳмон
Эмомалӣ Раҳмон: «Эҳтиром ба зан – модар дар Тоҷикистон ҳамчун зарурати сиёсӣ ва иҷтимоӣ эътироф мешавад»
