Дар Душанбе Форуми даҳуми миллӣ оид ба волоияти қонун баргузор мегардад

ДУШАНБЕ, 31.10.2024 /АМИТ «Ховар»/. Бо ташаббуси Вазорати адлияи Ҷумҳурии Тоҷикистон 1 ноябри соли равон, соати 09:00 дар Китобхонаи миллӣ бахшида ба Рӯзи Конститутсияи Ҷумҳурии Тоҷикистон Форуми даҳуми миллӣ оид ба волоияти қонун баргузор мегардад. Дар ин хусус ба АМИТ «Ховар» дар Вазорати адлияи Тоҷикистон хабар доданд.

Дар форум иштироки намояндагони мақомоти давлатӣ, созмонҳои байналмилалии муқими Тоҷикистон, доираҳои васеи илмӣ ва ҷомеаи шаҳрвандӣ, ҷамъ 400 нафар дар назар аст.

Дар форум мавзуъҳои зерин, аз ҷумла «Рақамикунонии хизматрасонии давлатӣ ва танзими ҳуқуқии он: адлияи рақамӣ ва ҳамоҳангии байниидоравӣ», «Волоияти қонун ва дастрасӣ ба адолати судӣ», «Баланд бардоштани маърифати ҳуқуқӣ ҳамчун омили пешгирии терроризм ва экстремизм: дастовард, мушкилот ва дурнамо» ва дигар мавзуъҳо баррасӣ карда мешаванд.

АКС: Вазорати адлияи Ҷумҳурии Тоҷикистон