Дар Туркия ба бузургдошти Абуабдулло Рӯдакӣ ҳамоиши илмӣ-адабӣ баргузор шуд
ДУШАНБЕ, 28.10.2024 /АМИТ «Ховар»/. 24 октябр дар Донишгоҳи Анқараи Ҷумҳурии Туркия ба бузургдошти Абуабдулло Рӯдакӣ ҳамоиши илмӣ-адабӣ баргузор гардид. Дар ин хусус ба АМИТ «Ховар» дар Сафорати Ҷумҳурии Тоҷикистон дар Ҷумҳурии Туркия иттилоъ доданд.
Ҳамоиш бо ташаббуси Сафорати Ҷумҳурии Тоҷикистон дар Ҷумҳурии Туркия ва дар ҳамкорӣ бо сафоратҳои Афғонистон ва Эрон доир шуд. Дар он намояндагиҳои дипломатӣ, роҳбарияти донишгоҳ, адабиётшиносону зиёиён аз чор мамлакат доир ба манзалати Абуабдулло Рӯдакӣ ва ашъори ӯ андешаҳояшонро баён доштанд.
Дар ҷараёни ҳамоиш мусиқии мардумии чор давлати иштирокчӣ иҷро гардид. Инчунин бо иштироки 10 донишҷӯи риштаи забони форсии Донишгоҳи Анқара озмуни шеърхонӣ аз ашъори Устод Рӯдакӣ доир гардид. Ғолибон ва иштирокчиён бо Ифтихорнома ва туҳфаҳои хотирмон қадрдонӣ шуданд.
Ёдовар мешавем, ки аз соли 2002 инҷониб бо ибтикори Президенти Ҷумҳурии Тоҷикистон муҳтарам Эмомалӣ Раҳмон ҳамасола 22 сентябр чун Рӯзи бунёдгузори адабиёти классикии тоҷик ба таври бошукуҳ таҷлил мегардад. Дар ин рӯз дар ҳамаи шаҳру навоҳии Тоҷикистон бахшида ба ҳаёт ва фаъолияти ин шоири забардаст чорабиниҳои идона, маҳфилҳои адабӣ ва ҳамоишҳои илмӣ-адабӣ баргузор мешаванд.
АКС: Сафорати Ҷумҳурии Тоҷикистон дар Ҷумҳурии Туркия
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
РӮДАКӢ — ЧАРОҒИ МАЪРИФАТИ МИЛЛАТ. Одамушшуаро насли имрӯз ва фардоро ба омӯхтан ва некӣ кардан даъват намудааст
ШЕЪРИ РӮДАКӢ — ПАЁМИ ДОНИШУ ХИРАД ВА НАКӮКОРИЮ ҶАВОНМАРДӢ. Эҳдо ба Рӯзи Рӯдакӣ
«ҲУҶҶАТИ МИЛЛӢ БА НОМИ РӮДАКӢ БОЯД ГИРИФТ…». Ва ё ҳамзабону ҳаммиллати Устод Рӯдакӣ будан шарафи бузург аст
НАҚШ ВА МАҚОМИ УСТОД РӮДАКӢ. Андешаҳо дар ин мавзуъ
