Дастовардҳои Тоҷикистон дар самти зеҳни сунъӣ дар шаҳри Давҳаи Давлати Қатар муаррифӣ шуданд
ДУШАНБЕ, 02.10.2024 /АМИТ «Ховар»/. Имрӯз ҳайати расмии Ҷумҳурии Тоҷикистон таҳти роҳбарии Вазири рушди иқтисод ва савдои Тоҷикистон Завқӣ Завқизода дар Форуми тиҷоратии Муколамаи ҳамкории Осиё зери унвони «Зеҳни сунъӣ ва моделҳои нави тиҷорат», ки дар шаҳри Давҳаи Давлати Қатар баргузор гардид, суханронӣ намуд. Дар ин хусус АМИТ «Ховар» бо истинод ба Вазорати рушди иқтисод ва савдои ҷумҳурӣ хабар медиҳад.
Завқӣ Завқизода иброз намуд, ки рақамикунонии соҳаҳои иқтисоди миллӣ ва зеҳни сунъӣ таҳти таваҷҷуҳи хоссаи Президенти Ҷумҳурии Тоҷикистон муҳтарам Эмомалӣ Раҳмон қарор дошта, дар ин самт Ҳукумати мамлакат корҳои муҳимро амалӣ намудааст.
Аз ҷумла, “Стратегияи рушди зеҳни сунъӣ дар Ҷумҳурии Тоҷикистон барои давраи то соли 2040” ва “Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2021-2025” қабул гардида, мавриди амал қарор доранд.
Дар баробари ин маълумоти мухтасар оид ба рушди зеҳни сунъӣ дар Тоҷикистон, аз ҷумла таъсиси zypl.ai – аввалин стартап дар Тоҷикистон ва фаъолияти муваффақонаи он дар 12 бозори ҷаҳон, оғози Академияи зеҳни сунъӣ аз рӯи барномаи Донишгоҳи Стэнфорд дар мамлакат ва ҷорӣ намудани ихтисоси зеҳни сунъӣ дар 7 муассисаи таҳсилоти олии ҷумҳурӣ баён гардид.
Бозори ҷаҳонии зеҳни сунъӣ соли 2024 тақрибан 215 миллиард долларро ташкил дода, тибқи дурнамо, то соли 2030 тақрибан ба 2 триллион доллар афзоиш меёбад. Татбиқи зеҳни сунъӣ то соли 2030 метавонад маҷмуи маҳсулоти дохилии ҷаҳонро 14 фоиз ё тақрибан 16 триллион доллар афзоиш диҳад.
Дар ҷамъбасти суханронӣ Завқӣ Завқизода дар баробари натиҷаҳои бадастомада бо мақсади татбиқи самараноки ҳадафу афзалияти Ҳукумати мамлакат вобаста ба рушди зеҳни сунъӣ дар ҷумҳурӣ пешниҳодҳои мушаххас манзур намуда, бобати ҷалби бештари сармоягузорӣ барои татбиқи лоиҳаҳои зеҳни сунъӣ даъват ба амал овард.
АКС: Вазорати рушди иқтисод ва савдои Ҷумҳурии Тоҷикистон
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
