Даври ҷумҳуриявии Озмуни ҷумҳуриявии фарҳанги меҳмондорӣ ва дастархонороӣ баргузор гардид
ДУШАНБЕ, 20.10.2024 /АМИТ «Ховар»/. Имрӯз дар доираи баргузории Иди Меҳргон даври ниҳоии Озмуни ҷумҳуриявии фарҳанги меҳмондорӣ ва дастархонороӣ доир шуд, ки зимни он ҷойи якум насиби шаҳри Душанбе ва вилояти Хатлон гардида, бо Диплом ва 10 ҳазор сомонӣ сарфароз шуданд, иттилоъ медиҳад АМИТ «Ховар».
Дар даври ҷумҳуриявии озмун иштирокчиён аз вилоятҳои Хатлону Суғд, шаҳру ноҳияҳои тобеи ҷумҳурӣ ва шаҳри Душанбе тарзи оростани дастархон ва меҳмоннавозиро пешниҳод намуданд. Ҳар шаҳру ноҳия бо риояи талаботи озмун навъҳои гуногуни хӯроку хӯриш ва маҳсулоти нонии минтақаҳои гуногуни Тоҷикистонро пешниҳод намуд.
Озмун моҳи сентябри имсол дар ду давр- ноҳиявӣ ва вилоятӣ баргузор шуда буд.
Миллати тамаддунофари тоҷик яке аз қадимтарин мардумони минтақаи Осиёи Марказӣ ба шумор рафта, дар ташаккули тамаддуни ҷаҳонӣ бо мероси бойи фарҳанги моддӣ ва ғайримоддӣ мақоми шоиста касб намудааст. Халқи тоҷик на танҳо дар бахши омодасозии анвои таомҳои миллӣ, балки дар дастархонороӣ низ маҳорати баланд дорад. Хони оростаи ҳунармандони тоҷик на фақат чорабиниҳои хонаводагӣ, балки ҷашнҳои пуршукуҳи идонаи миллиро низ зебу зиннати хоса мебахшад.
Озмуни дастархонороӣ ҷузъе аз анъанаи фарҳанги меҳмоннавозии тоҷикон ба шумор меравад. Ҳамин аст, ки мардуми тоҷик бо сатҳи баланди меҳмондорӣ дар саросари ҷаҳон маъруф гардидааст.
Ёдовар мешавем, ки Озмуни ҷумҳуриявии фарҳанги меҳмондорӣ ва дастархонороӣ бо мақсади амалисозии Нақшаи чорабиниҳо оид ба иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон аз ҷониби Донишгоҳи байналмилалии сайёҳӣ ва соҳибкории Тоҷикистон ташкил ва гузаронида шуд.
Фирӯза ДАВЛАТЗОДА,
Тоҳири САИД
АМИТ «Ховар»
АКС: АМИТ «Ховар»
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
