Элза Пинйол: «Варзишгарони тоҷик дар Бозиҳои олимпии Париж-2024 шарафи варзишии Тоҷикистонро ҳимоя намуданд»
ДУШАНБЕ, 03.10.2024 /АМИТ «Ховар»/. Бахшида ба ҷамъбасти Бозиҳои 33-юми тобистонаи олимпӣ ва параолимпии Париж-2024 Сафири Фавқулода ва Мухтори Ҷумҳурии Фаронса дар Ҷумҳурии Тоҷикистон хонум Элза Пинйол дар шаҳри Душанбе бо олимпичиёни тоҷик вохӯрӣ намуд, иттилоъ медиҳад хабарнигори АМИТ «Ховар».
Хонум Элза Пинйол оид ба баргузорӣ ва ҷамъбасти Бозиҳои олимпии Париж- 2024, ки аз 26 июл то 11 августи соли 2024 дар Париж доир шуданд, сухан намуд. Таъкид шуд, ки баъд аз 100 сол Париж бори дигар мизбони Бозиҳои тобистонаи олимпӣ гардида, дар он беш аз 10 ҳазор варзишгарон аз 205 давлати ҷаҳон барои 329 маҷмуи медалҳо дар 32 навъи варзиш рақобат намуданд.
Дипломати фаронсавӣ иброз намуд, ки дар Бозиҳои тобистонаи олимпии Париж -2024 варзишгарони тоҷик дар рақобатҳои варзишӣ фаъолона иштирок намуда, ба гирифтани се медали биринҷӣ комёб гардиданд, ки далели рушди соҳаи варзиш дар Тоҷикистон мебошад.
Сафири Фаронса афзуд, ки «зимни тамошои рақобатҳои варзишгарони тоҷик ва комёбиҳои онҳо шод мегардидам, зеро онҳо дар Бозиҳои олимпии Париж-2024 шарафи варзишии Тоҷикистонро ҳимоя намуда, Парчами миллии давлаташонро дар байни беш аз 200 кишвари ҷаҳон баланд бардоштанд. Се медале, ки варзишгарони тоҷик дар Бозиҳои тобистонаи олимпии Париж-2024 ба даст оварданд, ифтихори миллати тоҷик аст».
Бояд гуфт, ки Ҷумҳурии Тоҷикистонро дар Бозиҳои тобистонаи олимпии Париж 2024 14 варзишгар аз рӯйи 6 намуди варзиш – ҷудо, бокс, таэквондо, гӯштии тарзи озод, шиноварӣ ва варзиши сабук муаррифӣ намуданд. Дар байни онҳо Темур Раҳимов дар вазни +100 кг, Сомон Маҳмадбеков дар вазни -81кг дар намуди варзиши ҷудо ва Давлат Болтаев дар вазни +92 кг дар бокс соҳиби медали биринҷии Бозиҳои тобистонаи олимпии Париж-2024 гардиданд.
Марзия САИДЗОДА,
АМИТ «Ховар»
АКС аз манбаъҳои боз
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
