ХИЗМАТЧИИ ДАВЛАТӢ БОЯД ПОКТИНАТӢ ВА АДОЛАТРО ТАҶАССУМ НАМОЯД. Бардошт аз конфронси минтақавии коршиносон дар Душанбе
ДУШАНБЕ, 09.10.2024 /АМИТ «Ховар»/. Хизматчии давлатӣ бояд бо рафтору кирдори худ поктинатӣ ва адолатро таҷассум намояд. Омили муҳими фаъолияти муваффақонаи хизматчии давлатӣ- ин поквиҷдонӣ ва пешгирии истифодаи манфиатҳои шахсӣ дар фаъолияти меҳнатӣ мебошад. Чунин изҳор намуд директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Сулаймон Султонзода зимни баргузории конфронси минтақавии коршиносон.
Тавре қаблан хабар додем, имрӯз дар шаҳри Душанбе дар мавзуи «Санҷиши поктинатӣ дар хизмати давлатӣ: таҷрибаи пешрафта, оқибатҳои ҳуқуқӣ ва роҳҳои ҳал» конфронси минтақавии коршиносон доир гардид, ки дар он коршиносони хориҷӣ аз давлатҳои Қазоқистон, Қирғизистон, Туркманистон, Узбекистон ва намояндагони UNODC иштирок доранд.
Ҳамоиш бо мақсади тақвият бахшидани ҳамкории байналмилалӣ дар самти муқовимат ба коррупсия, инчунин дар амал татбиқ намудани сиёсати пешгирифтаи Президенти Ҷумҳурии Тоҷикистон муҳтарам Эмомалӣ Раҳмон вобаста ба Соли маърифати ҳуқуқӣ эълон шудани соли 2024 ва дар ин замина баланд бардоштани мафкураи зиддикорупсионии хизматчиёни давлатӣ гузаронида мешавад.
Зимни конфронс байни иштирокчиён- намояндагон аз мақомоти ҳифзи ҳуқуқи ҷумҳуриҳои Тоҷикистон, Қазоқистон, Қирғизистон, Туркманистон ва Узбекистон, инчунин коршиносони байналмилалии самти муқовимат ба коррупсия вобаста ба поктинатӣ дар хизмати давлатӣ, ҷанбаҳои ҳуқуқӣ ва ташкилии санҷиши поктинатии хизматчиёни давлатӣ ва таҷрибаҳои пешқадами давлатҳои минтақа дар ин самт мубодилаи афкор доир шуд.
Бояд гуфт, ки конфронси минтақавӣ бо ташаббуси Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар якҷоягӣ бо Раёсати Созмони Милали Муттаҳид оид ба маводи мухаддир ва ҷинояткорӣ дар Осиёи Марказӣ (UNODC) доир мешавад.
Изҳори боварӣ карда шуд, ки натиҷаҳои чорабинии имрӯза метавонанд барои баланд бардоштани маърифати ҳуқуқии хизматчиёни давлатӣ ва муқовимати беамон бар зидди коррупсия заминаи мусоид фароҳам оваранд.
Конфронс ду рӯз идома ёфта, зимни он коршиносон ҳадафҳо, вазифаҳо, равишҳои асосии ташкил ва воситаҳои имконпазир барои тафтиши ҳамаҷонибаи поктинатиро баррасӣ менамоянд. Ҳамзамон дар ҳамоиш аз ҷониби коршиносон таҷрибаи давлатҳои Тоҷикистон, Қазоқистон, Қирғизистон, Туркманистон ва Узбекистон дар истифодаи санҷиши поктинатӣ ва дурнамои татбиқи он дар минтақаи Осиёи Марказӣ мавриди муҳокима қарор мегирад.
Шаҳлои САДРИДДИН,
АМИТ «Ховар»
АКС: АМИТ «Ховар»
РУШДИ ТОҶИКИСТОН ТАВАССУТИ РАҚАМИКУНОНӢ, ЗЕҲНИ СУНЪӢ ВА НИЗОМИ МАОРИФИ ПЕШРАФТА. Бардошт аз Паёми Президенти Ҷумҳурии Тоҷикистон ба Маҷлиси Олӣ
ИСТИҚЛОЛИЯТИ ЭНЕРГЕТИКӢ-ЯКЕ АЗ ҲАДАФҲОИ СТРАТЕГИИ ҲУКУМАТИ ТОҶИКИСТОН. Моҳи майи соли 2027 Тоҷикистон ба истиқлоли комили энергетикӣ ноил мегардад
Эмомалӣ Раҳмон: «Соли 2025 дар вилояти Суғд сохтмони неругоҳи барқи офтобӣ бо иқтидори 200 мегаватт оғоз мегардад»
Дар Тоҷикистон «Стратегияи ҷалби сармоя барои давраи то соли 2040» таҳия мегардад
Пешвои миллат: «Дар панҷ соли охир суръати рушди иқтисоди миллӣ ба ҳисоби миёна 7,7 фоизро ташкил дод»
Истеҳсоли маҳсулоти кишоварзӣ дар Тоҷикистон аз 39 миллиард сомонӣ ба 73 миллиард сомонӣ расонида шуд
Ба ҳама намуд санҷишҳои фаъолияти субъектҳои соҳибкорӣ (ба истиснои санҷишҳои мақомоти андоз) то 1 январи соли 2027 мораторий эълон карда шуд
Президенти Тоҷикистон: «Аз моҳи майи соли 2027 норасоии неруи барқ дар Тоҷикистон пурра бартараф мегардад»
Солҳои 2025-2030 Солҳои рушди иқтисоди рақамӣ ва инноватсия эълон гардиданд
Пешвои миллат: «Аз ҷониби Кумитаи рушди сайёҳӣ барои бунёди инфрасохтори зарурӣ бояд тадбирҳои иловагӣ андешида шаванд»
Маҳсулоти саноатии Тоҷикистон аз 27 миллиард ба 53 миллиард сомонӣ расонида шуд
Президенти Тоҷикистон Эмомалӣ Раҳмон: «То имрӯз беш аз 50 фоизи корҳои сохтмонӣ дар Неругоҳи барқи обии «Роғун» ба анҷом расидаанд»
