ҲИФЗИ ПИРЯХҲО. Дар ин мавзӯъ дар Душанбе конференсияи байналмилалӣ баргузор шуд
ДУШАНБЕ, 10.10.2024 /АМИТ «Ховар»/. 9 октябр дар Академияи миллии илмҳои Тоҷикистон бахшида ба Соли ҳифзи пиряхҳо таҳти унвони «Ҳифзи пиряхҳо ва истифодаи устувори захираҳои обии Осиёи Марказӣ» конференсияи илмии байналмилалӣ баргузор шуд, ки дар он олимон аз Чин иштирок намуданд. Дар ин хусус АМИТ «Ховар» бо истинод ба Академияи миллии илмҳои Тоҷикистон хабар медиҳад.
Президенти Академияи миллии илмҳо Қобилҷон Хушвахтзода гуфт, ки пиряхҳои Тоҷикистон беш аз 6 фоизи масоҳати умумии ҷумҳуриро ташкил дода, на танҳо манбаи бебаҳои оби тоза, балки танзимгари захираҳои об ва иқлим дар Осиёи Марказӣ ба шумор мераванд.
Давоми даҳсолаи охир обшавии босуръати пиряхҳо таҳти таъсири тағйирёбии иқлим ба таҳдиди глобалии сайёра табдил ёфтааст. Тибқи пешгӯии коршиносон, дар шароити тағйирёбандаи иқлим дар охири асри XXI сеяки пиряхҳои кураи Замин аз байн мераванд. Обшавии пиряхҳо мувозинати экологиро вайрон намуда, барои гардиши об дар сайёраи мо таҳдиди ҷиддӣ эҷод мекунад. Дар минтақаҳои кӯҳӣ ин раванд боиси сар задани офатҳои табиӣ — обхезӣ, фаромадани тарма ва сел мегардад. Офатҳо хисороти калони иқтисодӣ оварда, боиси талафоти ҷонӣ низ мегарданд.
Таъкид шуд, ки пешниҳодҳои ҷаҳонии Президенти Тоҷикистон муҳтарам Эмомалӣ Раҳмон ба Созмони Милали Муттаҳид ва дастгирӣ ёфтани он аз ҷониби ҷомеаи ҷаҳонӣ моро водор мекунад, ки сари ин масъалаҳо андешида, барои дар амал татбиқ намудани ин масъалаҳои мубраму саривақтӣ кӯшиш ба харҷ диҳем.
Дар идома олимону коршиносони соҳаи экология, география ва пиряхшиносии Академияи миллии илмҳои Тоҷикистон ва Академияи илмҳои Чин оид ба самтҳои муайяншуда маъруза намуданд.
Инчунин дар конференсия доир ба рушду густариши ҳамкории илмии дуҷонибаи муассисаҳои илмиву таҳқиқотии Академияи миллии илмҳои Тоҷикистон ва Академияи илмҳои Чин изҳори андеша гардид.
АКС: Академияи миллии илмҳои Тоҷикистон
КОНФРОНСҲОИ ИҚЛИМИИ СММ. Тоҷикистон дар татбиқи ҳадафҳои ин конфронсҳо пешсаф аст
ПРЕЗИДЕНТИ ТАШАББУСКОР. Нақши Сарвари Тоҷикистон дар ҳифзи пиряхҳо ва захираҳои оби тоза дар ҷаҳон беназир ва муассир аст
Президенти Ҷумҳурии Тоҷикистон Эмомалӣ Раҳмон дар чорабинии сатҳи баланд оид ба амалишавии қатъномаи Маҷмаи Умумии СММ дар бораи эълон шудани cоли 2025 ҳамчун «Соли байналмилалии ҳифзи пиряхҳо» иштирок намуданд
Президенти Ҷумҳурии Тоҷикистон Эмомалӣ Раҳмон бо Павилиони миллии Ҷумҳурии Тоҷикистон шинос шуданд
Президенти Ҷумҳурии Тоҷикистон Эмомалӣ Раҳмон дар маросими кушодашавии Павилиони об барои иқлим иштирок намуданд
Президенти Ҷумҳурии Тоҷикистон Эмомалӣ Раҳмон дар мизи мудаввари сатҳи баланд бахшида ба мавзуи маблағгузории соҳаи иқлим дар Павилиони Покистон иштирок намуданд
Суханрони Президенти Ҷумҳурии Тоҷикистон Эмомалӣ Раҳмон дар иҷлосияи умумии Конфронси 29-уми ҷонибҳои Конвенсияи қолабии Созмони Милали Муттаҳид оид ба тағйирёбии иқлим
Президенти Ҷумҳурии Тоҷикистон Эмомалӣ Раҳмон дар Конфронси 29-уми ҷонибҳои Конвенсияи қолабии Созмони Милали Муттаҳид оид ба тағйирёбии иқлим дар Боку иштирок намуданд
«БОЗТОБИ МАСЪАЛАҲОИ ОБ ДАР РАДИОИ «ХОВАР»». Бо ин унвон китоби Манижа Баҳромзода ба нашр расид
РАВАНДИ ДУШАНБЕ. Бахшида ба конфронси байналмилалӣ бар зидди терроризм дар Кувайт ҳамоиш баргузор гардид
Дар иҷлосияи Конфронси тарафҳои Конвенсияи СММ оид ба гуногунии биологӣ ташаббусҳои глобалии Президенти Тоҷикистон баррасӣ шуданд
Масъалаҳои татбиқи Конвенсияи СММ оид ба гуногунии биологӣ дар Колумбия баррасӣ шуданд
