ТАҲКИМИ РОБИТАҲОИ ИЛМӢ. Ҳайати Донишгоҳи давлатии Бохтар бо имконоти Донишгоҳи давлатии Бухоро шинос шуд
ДУШАНБЕ, 01.10.2024. /АМИТ «Ховар»/. Ҳайати устодони Донишгоҳи давлатии Бохтар ба номи Носири Хусрав 30 сентябр дар доираи сафар дар Ҷумҳурии Узбекистон бо мақсади таҳкими робитаҳои илмӣ-таҳқиқотӣ, табодул ва истифодаи таҷрибаҳои муштарак ба Донишгоҳи давлатии Бухоро рафт. Дар ин хусус ба АМИТ «Ховар» дар Донишгоҳи давлатии Бохтар иттилоъ доданд.
Дар Донишгоҳи давлатии Бухоро ба устодони Донишгоҳи давлатии Бохтар доир ба роҳу усулҳои муосири таълим, нашри китобу дастур ва барномаҳои таълимӣ, фаъолияти шуроҳои диссертатсионӣ, чопу интишори мақолаҳо дар маҷаллаҳои илмӣ-таҳқиқотӣ, инчунин дигар самтҳои раванди таълим ва илму таҳқиқот маълумот дода шуд.
Устодони Донишгоҳи давлатии Бохтар бо имконияту фаъолияти марказҳои забономӯзӣ, осорхонаи донишгоҳ, паркҳои технологӣ, китобхонаҳои анъанавӣ ва электронӣ шинос шуданд.
Омӯзиш ва мушоҳидаҳо нишон медиҳанд, ки пешрафти кишварҳо, бахусус муассисаҳои таҳсилоти олии касбӣ аз робитаҳои гуногунсамти ҳамдигар вобаста мебошанд. Аз ин рӯ, сафарҳои корӣ дар доираи ҳамкории дуҷониба натиҷаҳои хуб медиҳанд.
АКС: Донишгоҳи давлатии Бохтар ба номи Носири Хусрав
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
НИШАСТИ МАТБУОТӢ. Филиали Донишгоҳи энергетикии Москва дар шаҳри Душанбе соҳиби ду таҷҳизоти лабораторӣ аз фанни физика гардид
Байни Маркази барномаҳои байналмилалӣ ва King’s College London Ёддошти тафоҳум ба имзо расид
Дар Филиали Донишкадаи рушди менеҷменти Сингапур дар шаҳри Душанбе шумораи донишҷӯён меафзояд
НИШАСТИ МАТБУОТӢ. Дар назди филиали Донишгоҳи давлатии Москва дар шаҳри Душанбе Шурои диссертатсионии байнидавлатӣ таъсис дода шуд
НИШАСТИ МАТБУОТӢ. Соли 2025 Донишгоҳи миллии Тоҷикистон барои фаъолсозии 12 ихтисоси нав иҷозатнома гирифт
Дар Донишгоҳи давлатии Кӯлоб синфхонаҳои таълимӣ ва озмоишгоҳ ба номи омузгорону донишмандони варзида гузошта шуданд
Соли 2025 беш аз 8 миллион нусха китоби дарсӣ чоп гардид
Муттаҳидгардонии имтиҳонҳои хатми муассисаҳои таҳсилоти миёнаи умумӣ бо дохилшавӣ ба муассисаҳои таҳсилоти олии касбӣ. Ин масъала мавриди омузиш қарор мегирад
НИШАСТИ МАТБУОТӢ. Дар муассисаҳои таълимии Тоҷикистон низоми баҳогузории 10-хола чӣ натиҷа дод?
