Ҳайати Тоҷикистон дар Тайиланд масъалаи густариши сармоягузорию тиҷорат ва таҳкими муносибатҳои иқтисодиро баррасӣ намуд
ДУШАНБЕ, 26.11.2024 /АМИТ «Ховар»/. Дар доираи сафари расмии ҳайати Ҷумҳурии Тоҷикистон ба Шоҳигарии Тайиланд, ки 25-26 ноябр баргузор гардид, муовини якуми Раиси Бонки миллии Тоҷикистон Фируз Шарифзода бо президенти калонтарин бонки Тайиланд Bangkok Bank Чартсири Софонпанич доир ба имконияти сармоягузорӣ дар бахши молиявӣ: низоми бонкӣ ва суғуртаи Ҷумҳурии Тоҷикистон мулоқот намуд. Дар ин хусус АМИТ «Ховар» бо истинод ба Бонки миллии Тоҷикистон хабар медиҳад.
Зимни суҳбат ҷонибҳо доир ба густариши сармоягузорию тиҷорат ва таҳкими муносибатҳои иқтисодӣ мубодилаи афкор намуда, зарурати дар сатҳи сифатан нав ба роҳ мондани ҳамкории низоми бонкии давлатҳо, таъсиси филиали бонкии Bangkok Bank дар Тоҷикистон, инчунин кушодани суратҳисобҳои муросилотиро саривақтӣ арзёбӣ карданд.
Ҳайати Ҷумҳурии Тоҷикистон инчунин бо вазири саноати Тайиланд Аканат Промпхан ва баъдан бо президенти Бонки содиротӣ ва воридотии Тайиланд (EXIMBANK) доктор Рэк Ворракитпокатор мулоқот анҷом дод.
Дар вохӯрии ҷонибҳо масъалаҳои мухталифи ҳамкории дуҷониба, аз ҷумла дурнамои муносибатҳои сиёсӣ, иқтисодӣ, тиҷоратӣ ва фарҳангӣ байни Тоҷикистон ва Тайиланд мавриди муҳокима қарор гирифт. Дар мулоқот ҷонибҳо изҳор доштанд, ки омодаанд ҳамкории ду давлатро бо амалӣ намудани барномаҳои муштарак дар бахшҳои саноат, энергетика, кишоварзӣ, рақамикунонӣ, тиб, сайёҳӣ ва дигар соҳаҳо тақвият бахшанд.
Ҳамзамон масъалаи иштироки Бонки содиротӣ ва воридотии Тайиланд дар лоиҳаҳои муҳимми бахшҳои саноат, энергетика ва кишоварзӣ баррасӣ шуд. Ҷонибҳо ба таҳкими ҳамкорӣ дар ин соҳаҳо таваҷҷуҳи махсус зоҳир карданд.
Ҳайати Тоҷикистон инчунин бо муовини раиси Палатаи савдо ва саноати Шоҳигарии Тайиланд хонум Кобкарн Ваттанаврангкул ва намояндагони Шурои савдои Тайиланд мулоқот намуда, вазъи кунунии иқтисоди давлатҳо ва имконияти нави тиҷоратӣ ва сармоягузорӣ, бахусус дар соҳаҳои истихроҷи маъдан, энергетика, савдо, логистика ва истифодаи технологияҳои муосири зеҳни сунъиро баррасӣ карданд.
Дар маҷмуъ, байни ҷонибҳо муколамаи солим ва фарогири самтҳои гуногун оид ба ҷустуҷӯи роҳҳои нави ҳамкории тиҷоратию иқтисодӣ доир гардид.
АКС: Бонки миллии Тоҷикистон
Дар ноҳияи Дӯстӣ ҷамъоварии шолӣ оғоз гардид
ОМОДАГӢ БА ЗИМИСТОН. Муассисаҳои тандурустии вилояти Суғд ба мавсими сармо омода мебошанд
Дар доираи TAJ-TECH 2026 дар Душанбе Форуми стартапҳои давлатҳои аъзои СҲШ доир шуд
Боғпарварони ноҳияи Лахш имсол ҳосили фаровони мева мерӯёнанд
Энергетикҳои тоҷик дар Латвия оид ба рақамикунонии соҳаи энергетика табодули таҷриба намуданд
«Шоҳин Эйрлайнз» нахустин ҳавопаймои худ — L-410 NG-ро муаррифӣ намуд
Ҳаҷми гардиши савдои хориҷии Тоҷикистону Русия дар ҳашт моҳ ба 1 миллиарду 676,5 миллион доллар расид
ҚУРБИ АСЪОР: 1 доллари ИМА аз 9.1600 то 9.2331 сомонӣ муқаррар шудааст
Тоҷикистон ва Қатар ҳамкорӣ дар самти сармоягузориро тақвият медиҳанд
Ҷаласаи навбатии Комиссияи байниҳукуматии Ҷумҳурии Тоҷикистон ва Федератсияи Русия баргузор гардид
Густариши ҳамкории Тоҷикистон ва Узбекистон дар соҳаи инноватсия ва технологияҳои рақамӣ баррасӣ шуд
Ҳамоишҳои байналмилалӣ дар соҳаи алоқа ҷамъбаст гардиданд
