Ҳамкорӣ дар соҳаи илму маориф байни муассисаҳои илмии Тоҷикистон ва Русия таҳким меёбад
ДУШАНБЕ, 20.11.2024 /АМИТ «Ховар»/. 20 ноябр зимни мулоқоти маҷозии директори Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон Илҳом Мирсаидзода ва ректори Донишгоҳи давлатии миллии таҳқиқотии Нижний Новгород ба номи Н.И. Лобачевский Олег Трофимов тақвияти ҳамкорӣ дар соҳаи илму маориф мавриди баррасӣ қарор гирифт. Дар ин хусус ба АМИТ «Ховар» дар Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон хабар доданд.
Дар мулоқот ҷонибҳо дар самти ҳамкории таҳқиқоти муштарак дар соҳаи амнияти кимиё, биология, радиатсионӣ ва ҳастаӣ, мубодилаи кормандони илмӣ-омӯзгорӣ, баргузории чорабиниҳои илмӣ-амалӣ, конфронсҳо, семинарҳо ва таҳияи барномаҳои таълимии муштарак барои омодасозии мутахассисон дар бахшҳои гуногуни стратегӣ ба мувофиқа расиданд.
Ҳамзамон байни Агентии амнияти химиявӣ, биологӣ, радиатсионӣ ва ядроӣ ва Донишгоҳи миллии таҳқиқотии давлатии Нижний Новгород ба номи Н.И. Лобачевский созишномаи ҳамкорӣ ба имзо расид. Ин санад барои рушди ҳамкории илму маориф байни Тоҷикистон ва Русия, аз ҷумла мубодилаи таҷриба, таҳқиқи корҳои илмии муштарак ва дигар ташаббусҳои дар самти таълим пешбинишуда заминаи мусоид фароҳам меорад.
АКС: Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
