Даҳгонаи беҳтарин довталабон дар имтиҳонҳои марказонидаи дохилшавии солҳои 2023-2024 муайян гардиданд
ДУШАНБЕ, 22.11.2024. /АМИТ «Ховар»/. Имрӯз, 22 ноябр бо ибтикори Маркази миллии тестии назди Президенти Ҷумҳурии Тоҷикистон маросими мукофотсупорӣ ба даҳгонаи беҳтарин довталабон дар имтиҳонҳои марказонидаи дохилшавии солҳои 2023-2024 баргузор гардид.
Тавре хабарнигори АМИТ «Ховар» хабар медиҳад, беҳтарин довталабон дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2024 аз рӯйи номинатсияи «Маърифати ҳуқуқӣ» Хайём Давлатзода, Фарзона Милбоева ва аз рӯйи «Пешаи омӯзгорӣ» Шарифгул Рустамова ва Муҳайё Абдураҳмонзода муайян ва қадрдонӣ гардиданд.
Маркази миллии тестии назди Президенти Ҷумҳурии Тоҷикистон барои тарғибу ташвиқи бештари донишандӯзӣ, ки яке аз омилҳои баланд бардоштани сифати таҳсил аст, кӯшиш намуда, бо мақсади дастгирии иҷтимоӣ, баланд бардоштани ҳисси худшиносию ватандӯстии ҷавонон ва ҳавасмандсозии онҳо ҳамасола беҳтаринҳоро итихоб менамояд. Беҳтаринҳо аз рӯи холҳои бадастовардаашон дар ҳама субтестҳои имтиҳонҳо, ки мақоми болотаринро соҳиб гардидаанд, интихоб шуданд.
Ҳамчунин ба даҳгонаи беҳтарин довталабон дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2023 Муқаддас Тоҷибаева, Абдуҳафиз Абдуманонов, Давлатмурод Қурбонов, Муқаддас Мухтор, Меҳрона Маҳмадёрзода, Билол Зуҳуров, Алиҷон Ёрматов, Амина Одиназода, Муҳаммадфозил Носиров ва Оиша Сафарзода дохил гардиданд.
Соли 2024 Акрамхон Ҷурабоев, Меҳрона Бобоҷонова, Тахмина Қарабаева, Фотима Азимова, Париноз Султонзода, Мадина Баҳодурзода, Иброҳим Изатуллозода, Сарвар Алимаҳмадзода, Музаффарбек Мустафобеков ва Сумая Набиева беҳтарин довталабон дар имтиҳонҳои марказонидаи дохилшавӣ интихоб гардиданд.
Ҳамчунин беҳтарин довталабон дар имтиҳонҳои марказонидаи дохилшавии солҳои 2023-2024 аз рӯйи фанҳои табиатшиносӣ, дақиқ ва риёзӣ муайян шуданд.
Ғолибон бо Ифтихорнома ва туҳфаҳо қадрдонӣ гардиданд.
АКС: «АМИТ» Ховар
Корманди Донишгоҳи давлатии омӯзгории Тоҷикистон соҳиби ҷоизаи «Мутахассиси муносибатҳои байналмилалии сол –2025» гардид
Ғолибони «Ҷоми раёсати Донишгоҳи байналмилалии сайёҳӣ ва соҳибкории Тоҷикистон» муайян гардиданд
Дар Донишгоҳи техникии Тоҷикистон оид ба шарҳи Паёми Президенти Тоҷикистон ба Маҷлиси Олӣ ҳамоиш доир шуд
Дар Донишгоҳи давлатии Бохтар татбиқи технологияҳои муосири рақамӣ ва алгоритмҳои зеҳни сунъӣ баррасӣ гардид
Қабули Қонуни Ҷумҳурии Тоҷикистон «Дар бораи мақоми омӯзгор» рамзи эҳтиром ба заҳмати омӯзгор аст
Дар Донишгоҳи давлатии Кӯлоб бахшида ба Паёми Президенти Тоҷикистон ба Маҷлиси Олӣ ҳамоиш баргузор шуд
ҚОНУН «ДАР БОРАИ МАҚОМИ ОМӮЗГОР». Қабули он далели таваҷҷуҳи рӯзафзуни Ҳукумати Тоҷикистон нисбат ба тарбиятгарони насли наврас аст
Дар Донишгоҳи байналмилалии сайёҳӣ ва соҳибкории Тоҷикистон олимпиадаи хонандагони синфҳои 11 оғоз гардид
ТАВАҶҶУҲИ ХОССА БА СОҲАИ МАОРИФ ДАР ПАЁМИ ПРЕЗИДЕНТИ ҶУМҲУРИИ ТОҶИКИСТОН. Андешаҳо дар мавриди самтҳои асосии ин соҳаи муҳим
Густариши ҳамкории илмии Донишгоҳи давлатии ҳуқуқ, бизнес ва сиёсати Тоҷикистон бо донишгоҳҳои Корея баррасӣ шуд
Байни Маркази ҷумҳуриявии дарёфт ва рушди истеъдодҳо ва ширкати академии «Bright»-и Шоҳигарии Камбоҷа Ёддошти тафоҳум имзо гардид
НИЗОМИ ДУВОЗДАҲСОЛАИ ТАЪЛИМ. Дар Тоҷикистон барои гузариш ба он омодагӣ мебинанд
