Конференсияи XXI ҳисоботӣ-интихоботии Кумитаи иҷроияи ҲХДТ дар Душанбе баргузор гардид
ДУШАНБЕ, 01.11.2024. /АМИТ «Ховар»/. Имрӯз дар Мақомоти иҷроияи ҳокимияти давлатии шаҳри Душанбе Конференсияи XXI ҳисоботӣ — интихоботии Кумитаи иҷроияи Ҳизби Халқии Демократии Тоҷикистон дар шаҳри Душанбе баргузор гардид. Дар ин хусус ба АМИТ «Ховар» дар Кумитаи иҷроияи Ҳизби Халқии Демократии Тоҷикистон дар шаҳри Душанбе хабар доданд.
Иброз шуд, ки давоми дуюним сол аъзои ҳизби пойтахт таҳти шиори ҳизб «Барои пешрафт ва зиндагии шоистаи мардум» амал карда, дар рушду пешрафти иҷтимоию иқтисодӣ, фарҳангиву сиёсӣ, маорифу тандурустӣ, ободониву созандагӣ ва таъмини зиндагии шоиставу арзандаи ҳар сокини шаҳри Душанбе, ки аз ҳадафҳои стратегии ҳизб ва сиёсати хирадмандонаи Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон бармеоянд, саҳм гузоштанд.
Дар ин марҳила тибқи дастуру супоришҳои Раиси ҳизб муҳтарам Эмомалӣ Раҳмон ва ташаббусҳои созандаи Раиси шаҳри Душанбе муҳтарам Рустами Эмомалӣ ташкилоти ҳизбӣ дар ҳошияи ҳашари умумишаҳрӣ таҳти унвони «Шаҳри ман-хонаи ман» 22 240 ҳашару шанбегиро бо сабзкорӣ ва шинонидани беш аз 70 000 бех ниҳоли ороишиву сояафкан баргузор карда, 38 майдончаи варзишӣ, ҷойи нишасти калонсолон ва бозии кӯдаконро рангубор ва таъмиру тармим намуданд.
Ҳолл шумораи аъзои ҳизб дар ҳудуди шаҳри Душанбе 88 505 нафарро дар бар мегирад, ки аз ин теъдод 44 499 нафар ё 50,27 фоизи онро занон ва 34 854 нафар ё 39,38 фоизи онро ҷавонон ташкил медиҳанд.
Танҳо давоми дуюним сол 19 493 нафар шаҳрванд ба сафи ҳизб қабул гардида, дар пойтахт 134 ташкилоти ибтидоии ҳизбӣ таъсис дода шуд.
Иттилоъ дода шуд, ки дар ин муддат сохторҳои ҳизбӣ бо ҷалби фаъолону вакилон ва ҷонибдорони худ дар доираи сиёсати хайрхоҳонаву эҳсонкоронаи Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон ба 16 663 нафар аз оилаи ниёзманду бесаробон ва тарбиятгирандагони хона-интернатҳо кумакҳои моддиву молиявӣ расониданд, ки дар муқоиса ба ҳамин давраи ҳисоботӣ 3847 кумак зиёд мебошад.
Пас аз анҷоми конференсия маҷлиси нахустини Кумитаи иҷроияи шаҳрии ҳизб бо иштироки аъзои нав баргузор гардид.
Дар анҷоми конференсия як зумра фаъолони ҳизб барои фаъолияти пурсамар бо Ифтихорнома ва Сипосномаи Кумитаи Иҷроияи Марказии ҳизб ва Кумитаи иҷроияи Ҳизби Халқии Демократии Тоҷикистон дар шаҳри Душанбе ҳавасманд гардонида шуданд.
АКС: Кумитаи иҷроияи Ҳизби Халқии Демократии Тоҷикистон дар шаҳри Душанбе
ОГОҲӢ. Хатари лағзиши тарма ва омадани сел дар роҳҳои кӯҳии Тоҷикистон то 31 март боқӣ мемонад
Барои пешгирии амалҳои коррупсионӣ бо кормандони соҳаи тандурустии шаҳри Роғун вохӯрӣ доир гардид
МАСЛИҲАТИ МУТАХАССИС. Барои пешгирии аллергия тарзи ҳаёти солимро бояд интихоб намуд
Табибони Тоҷикистону Чин ҳамкории илмию таълимиро тақвият мебахшанд
Дар ноҳияи Шамсиддини Шоҳин шуъбаи эндовидеоҷарроҳӣ ба истифода дода шуд
Аз 24 то 27 март дар Тоҷикистон ҳавои тағйирёбанда пешгӯӣ шуда, борон меборад
МАСЛИҲАТИ МУТАХАССИС. Сиёҳалафро барои муолиҷаи бемориҳои рӯда ва захми меъда истифода мебаранд
ТАШАББУСИ ШОИСТАИ ИНСОНДӮСТОНАИ ПЕШВОИ МИЛЛАТ. Андешаҳо дар ҳошияи Фармони Президенти Ҷумҳурии Тоҷикистон «Дар бораи бахшиши ҷазои шахсоне, ки ба маҳрум сохтан аз озодӣ маҳкум карда шудаанд»
Имрӯз дар асоси Фармони Президенти Тоҷикистон боз 697 нафар маҳбусон аз муассисаҳои ислоҳии ҷумҳурӣ озод карда шуданд
Пайвандони маҳбусон: «Бахшиши ҷазои маҳкумшудагон намунаи барҷастаи инсондӯстӣ ва меҳру муҳаббати Пешвои миллат нисбат ба мардум мебошад»
Имрӯз дар асоси Фармони Президенти Тоҷикистон 200 нафар маҳбусон аз муассисаҳои ислоҳии ҷумҳурӣ озод карда шуданд
Тоҷикистонро дар рӯзҳои ҷашни Наврӯз чӣ гуна ҳаво интизор аст?
