Масъалаи барқароркунии қатораи мусофирбари роҳи оҳани «Душанбе – Москва» ва хатсайрҳои байналмилалии автобусҳо баррасӣ гардид
ДУШАНБЕ, 25.11.2024. /АМИТ «Ховар»/. Масъалаи азнавбарқароркунии қатораи мусофирбари роҳи оҳан ба тариқи хатсайри «Душанбе–Москва», кушодани хатсайрҳои байналмилалии автобусҳои «Душанбе–Москва», «Бохтар– Москва», «Хуҷанд–Қазон», «Хуҷанд– Москва» ва «Хуҷанд– Екатеринбург» зимни мулоқоти Вазири нақлиёти Ҷумҳурии Тоҷикистон Азим Иброҳим ва Вазири нақлиёти Федератсияи Русия Роман Старовойт баррасӣ гардид. Дар ин хусус АМИТ «Ховар» бо истинод ба Вазорати нақлиёти Ҷумҳурии Тоҷикистон хабар медиҳад.
Ин масъала зимни иштироки ҳайати Тоҷикистон дар Форуми байналмилалии XVIII «Нақлиёти Русия – 2024» дар шаҳри Москва, ки то 26 ноябр идома меёбад, муҳокима карда шуд.
Зимни мулоқот ҷонибҳо аз рушди муносибатҳо дар соҳаи нақлиёт ва афзоиши ҳаҷми боркашонию мусофиркашонӣ тавассути нақлиёти заминӣ изҳори қаноатмандӣ намуда, иброз доштанд, ки барои таҳкими ҳамкории минбаъда имконот мавҷуд ҳастанд.
Вазири нақлиёти Тоҷикистон изҳори итминон намуд, ки бо талошҳои муштарак муқаррароти ин ҳуҷҷатҳо, аз ҷумла тадбирҳои дар «Харитаи роҳ» пешбинишуда доир ба густариши ҳамкорӣ барои рушди инфрасохтори нақлиётӣ, логистика ва нақлиёти мултимодалӣ самаранок амалӣ мешаванд.
Дар ҷараёни мулоқоти дуҷониба масъалаҳои мубрами ҳамкорӣ дар соҳаи нақлиёти автомобилӣ, инфрасохтори нақлиётӣ ва нақлиёти роҳи оҳан баррасӣ шуданд.
Вазири нақлиёти Тоҷикистон ба ҷониби Русия пешниҳод кард, ки масъалаи коҳиш додани нархҳо барои хизматрасонӣ оид ба интиқоли борҳои воридотию содиротӣ бо нақлиёти роҳи оҳан аз Ҷумҳурии Тоҷикистон тавассути қаламрави Федератсияи Русияро дар назар гиранд.
Ҷонибҳо барои идомаи ҳамкорӣ байни Корхонаи воҳиди давлатии «Роҳи оҳани Тоҷикистон» ва Ҷамъияти саҳомии кушодаи «Роҳҳои оҳани Русия» оид ба таъминот ва маблағгузории имтиёзнок, аз ҷумла хариди вагонҳои боркаши инноватсионӣ, вагонҳои мусофирбар ва локомотивҳо, маводи роҳи оҳан ва қисмҳои эҳтиётӣ барои эҳтиёҷи Роҳи оҳани Тоҷикистон изҳори омодагӣ намуданд.
АКС: Вазорати нақлиёти Ҷумҳурии Тоҷикистон
Илҳомҷон Оймуҳаммадзода: «Пиряхҳо на танҳо массаҳои ях, балки бойгонии зиндаи геологӣ мебошанд»
Дар Тоҷикистон беш аз 225 ҳазор тонна хӯроки чорво захира шудааст
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
