Рӯзҳои фарҳанги Ҷумҳурии Тоҷикистон дар Давлати Кувайт оғоз гардиданд
ДУШАНБЕ, 12.11.2024 /АМИТ «Ховар»/. Шуруъ аз 11 ноябр Рӯзҳои фарҳанги Ҷумҳурии Тоҷикистон дар Давлати Кувайт оғоз гардиданд, ки то 14 ноябр идома меёбанд. Дар ин хусус ба АМИТ «Ховар» дар Вазорати фарҳанги Ҷумҳурии Тоҷикистон иттилоъ доданд.
Рӯзҳои фарҳанги Ҷумҳурии Тоҷикистон дар Давлати Кувайт дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон зимни сафари расмӣ ба Давлати Кувайт рӯзҳои 3 — 5 ноябр барои боз ҳам тақвият додани муносибатҳои дуҷониба дар самтҳои мавриди эҳтимоми муштарак ва алалхусус ҳамкории фарҳангӣ баргузор мешаванд.
Рӯзҳои фарҳанги Ҷумҳурии Тоҷикистон дар Давлати Кувайт ва дар ҳамкорӣ бо Шурои миллии фарҳанг, санъат ва адабиёти Кувайт баргузор мегарданд.
Иттилоъ дода шуд, ки 11 ноябр дар Маҷмааи фарҳангии Шайх Ҷобир ас-Сабоҳ намоиши ҳунарҳои мардумӣ, аксу мусаввараҳо ва дастовардҳои мероси таърихӣ доир гардид. Инчунин барномаи фарҳангӣ иборат аз рақсу мусиқӣ ва навоҳои миллӣ пешниҳод шуд.
Дар доираи Рӯзҳои фарҳанги Ҷумҳурии Тоҷикистон дар Давлати Кувайт имрӯз Вазири фарҳанги Ҷумҳурии Тоҷикистон Матлубахон Сатториён бо Вазири иттилоот, фарҳанг ва вазири давлатӣ оид ба ҷавонони Давлати Кувайт Абдураҳмон ал-Мутайрӣ ва инчунин бо Дабири кулли Шурои миллии фарҳанг, санъат ва адабиёти Давлати Кувайт Муҳаммад ал-Ҷассор вохӯрӣ намуд.
Зимни мулоқот ҷонибҳо густариши робитаҳои фарҳангӣ байни Ҷумҳурии Тоҷикистон ва Давлати Кувайт, баргузории чорабиниҳои муштарак ва табодули сафарҳои ҳайатҳои ҳунариро мавриди баррасӣ қарор доданд.
Ҳамчунин 14 ноябр дар шаҳри Ал-Кувайти Давлати Кувайт барномаи фарҳангӣ доир мегардад.
АКС: Вазорати фарҳанги Ҷумҳурии Тоҷикистон
35-СОЛАГИИ ИСТИҚЛОЛИ ДАВЛАТӢ. Кинотеатри «Ватан» навсозӣ ва бо технологияи муосири намоиши филмҳо муҷаҳҳаз гардонида шуд
Рӯзи фарҳанги вилояти Хатлон бо шукуҳу шаҳомати хос баргузор гардид
Таҳти унвони «Нақши китобхонаҳои шахсӣ дар рушди китобдории миллати тоҷик дар замони ҷаҳонишавӣ» ҳамоиш доир шуд
Пагоҳ дар Душанбе Рӯзи фарҳанги вилояти Хатлон баргузор мешавад
Соли 2027 дар Тоҷикистон Рӯзҳои фарҳанги Покистон баргузор мегарданд
«АЗ СУЛҲИ ТОҶИКОН ТО СУЛҲИ ҶАҲОН». Таҳти чунин унвон дар Душанбе конфронси илмӣ-амалӣ доир шуд
«Барномаи рушди мактабҳои бачагонаи мусиқӣ, рассомӣ, санъат ва мактаб-интернатҳои миёнаи махсуси ҷумҳуриявии мусиқӣ ва санъат дар Ҷумҳурии Тоҷикистон барои солҳои 2027-2031» қабул гардид
Аз ҳудуди ноҳияи Данғара ёдгории нодири меъмории мансуб ба асрҳои IX–XII ёфт гардид
Дар Душанбе бахшида ба 35-солагии Истиқлолияти давлатӣ ҳамоиши тантанавӣ баргузор гардид
29 август дар Душанбе Рӯзи фарҳанги вилояти Хатлон баргузор мешавад
«ЯК МЕРОС, ДУ САРЗАМИН». Намоишгоҳи муштараки маҷозии Тоҷикистон ва Эрон ифтитоҳ ёфт
Оид ба таҳаввули мутолиаи китоб дар даврони Истиқлолияти давлатӣ маҳфили адабӣ баргузор гардид
