Вазорати нақлиёти Тоҷикистон ба ниҳодҳои масъул барқиянома ирсол намуд, то ба мавсими сармо ҳамаҷониба омода шаванд
ДУШАНБЕ, 08.11.2024 /АМИТ «Ховар»/. Вазорати нақлиёти Тоҷикистон ба ассотсиатсияҳо ва ширкатҳое, ки дар соҳаи нақлиёт фаъолият доранд, барқиянома фиристода, хоҳиш намуд, ки барои пурра омода шудан ба фасли зимистон тадбирҳоро дар муҳлатҳои муайяншуда ба анҷом расонанд, хабар медиҳад АМИТ «Ховар» бо истинод ба Вазорати нақлиёти Тоҷиистон.
Тавре Агентии обуҳавошиносӣ қаблан иттилоъ дод, ҳавои моҳи ноябр дар ҷумҳурӣ сарду боронӣ пешбинӣ шуда, ҳарорати ҳаво аз меъёри муқаррарӣ 1-2 дараҷа пасттар хоҳад буд. Дар минтақаҳои кӯҳӣ ва наздикӯҳӣ бориши бештар, дар водиҳо тағйирёбии ҳарорат аз сардиҳои шабона то гармии рӯз дар назар дошта шудааст.
Дар робита ба ин Вазорати нақлиёти мамлакат ба Ассотсиатсияи нақлиёти байналмилалии автомобилии Тоҷикистон (AIATT), Ассотсиатсияи интиқолдиҳандагони байналмилалии автомобилии Тоҷикистон (ABBAT), Ассотсиатсияи нақлиёти мусофиркашонии Тоҷикистон ва Ҷамъияти саҳомии пӯшидаи «Холдинг Осиё Гурӯҳи Тоҷикистон» барқиянома фиристодааст. Дар он омадааст, ки воситаҳои нақлиётеро, ки таҳти назораташон қарор дорад, бо симтанобҳои кашолакунанда, занҷир барои чархҳо, таҷҳизоти зидди лағжиш, яхканак, инчунин гузаштан аз муоинаи техникии мавсимӣ, иваз кардани равғани муҳаррик ва дигар равғанҳои молиданӣ ва филтрҳои равған, моеи хунуккунанда, чархҳои тобистонӣ ба зимистонӣ таъмин кунанд ва ҳама тадбирҳои омодагӣ ба зимистонро дар муҳлатҳои муайяншуда ба анҷом расонанд.
Қаблан сохторҳои марбутаи вазорат вазифадор гардида буданд, ки вазъи омодагии роҳҳои мамлакат ва муассисаҳои нигоҳдории роҳҳоро ба мавсими сармо санҷида, хадамотҳои хизматрасони иншооти роҳу нақлиётро бо маводи зиддилағзиш, сӯзишвории дизелӣ, ангишт, ҳезум ва либоси зимистона таъмин намоянд.
Барои ин Гурӯҳи махсуси корӣ таъсис дода шуд, ки сохтмону таъмири роҳҳо ва тибқи қоидаҳои муқарраршуда ҳаракат кардани мошинҳои гаронвазнро дар роҳҳои автомобилгард назорат менамояд.
АКС: Вазорати нақлиёти Ҷумҳурии Тоҷикистон
ОГОҲӢ. Хатари лағзиши тарма ва омадани сел дар роҳҳои кӯҳии Тоҷикистон то 31 март боқӣ мемонад
Барои пешгирии амалҳои коррупсионӣ бо кормандони соҳаи тандурустии шаҳри Роғун вохӯрӣ доир гардид
МАСЛИҲАТИ МУТАХАССИС. Барои пешгирии аллергия тарзи ҳаёти солимро бояд интихоб намуд
Табибони Тоҷикистону Чин ҳамкории илмию таълимиро тақвият мебахшанд
Дар ноҳияи Шамсиддини Шоҳин шуъбаи эндовидеоҷарроҳӣ ба истифода дода шуд
Аз 24 то 27 март дар Тоҷикистон ҳавои тағйирёбанда пешгӯӣ шуда, борон меборад
МАСЛИҲАТИ МУТАХАССИС. Сиёҳалафро барои муолиҷаи бемориҳои рӯда ва захми меъда истифода мебаранд
ТАШАББУСИ ШОИСТАИ ИНСОНДӮСТОНАИ ПЕШВОИ МИЛЛАТ. Андешаҳо дар ҳошияи Фармони Президенти Ҷумҳурии Тоҷикистон «Дар бораи бахшиши ҷазои шахсоне, ки ба маҳрум сохтан аз озодӣ маҳкум карда шудаанд»
Имрӯз дар асоси Фармони Президенти Тоҷикистон боз 697 нафар маҳбусон аз муассисаҳои ислоҳии ҷумҳурӣ озод карда шуданд
Пайвандони маҳбусон: «Бахшиши ҷазои маҳкумшудагон намунаи барҷастаи инсондӯстӣ ва меҳру муҳаббати Пешвои миллат нисбат ба мардум мебошад»
Имрӯз дар асоси Фармони Президенти Тоҷикистон 200 нафар маҳбусон аз муассисаҳои ислоҳии ҷумҳурӣ озод карда шуданд
Тоҷикистонро дар рӯзҳои ҷашни Наврӯз чӣ гуна ҳаво интизор аст?
