Вобаста ба лоиҳаи Қонуни Ҷумҳурии Тоҷикистон «Дар бораи политсия» ҷаласа баргузор шуд

ДУШАНБЕ, 30.11.2024. /АМИТ «Ховар»/. 28 ноябр дар доираи Ёддошти тафоҳум байни Ҳукумати Ҷумҳурии Тоҷикистон ва Дафтари барномавии Созмони амният ва ҳамкорӣ дар Аврупо дар ноҳияи Ховалинг оид ба идоракунии ислоҳоти милитсия ҷаласаи корӣ баргузор гардид. Дар ин хусус ба АМИТ «Ховар» дар Вазорати корҳои дохилии Ҷумҳурии Тоҷикистон хабар доданд.

Дар ҷаласа намояндагони Дастгоҳи иҷроияи Президенти Ҷумҳурии Тоҷикистон, Вазорати корҳои хориҷӣ, сафирони ҷумҳуриҳои Қазоқистон, Озарбойҷон, Ҷопон, Ҷумҳурии Исломии Покистон ва сафири  Дафтари барномавии САҲА дар Тоҷикистон раванди ислоҳоти милитсия дар Ҷумҳурии Тоҷикистон ва лоиҳаи Қонуни Ҷумҳурии Тоҷикистон «Дар бораи политсия»-ро  баррасӣ намуданд.

Иштирокчиён вобаста ба ин масъалаҳо таклифҳои мушаххас пешниҳод намуданд.

Ҳамчунин намояндаҳои давлатҳои иштирокчӣ иброз доштанд, ки барои ҳамкорӣ бо Вазорати корҳои дохилии Тоҷикистон дар самти татбиқи раванди амилишавии ислоҳоти милитсия  омода мебошанд.

Ёдовар мешавем, ки меҳмонон дар доираи баргузории ҷаласа бо мавзеъҳои таърихии ноҳияи Ховалинг, аз ҷумла Оромгоҳи Султон Увайси Қаранӣ ва Осорхонаи таърихии кишваршиносии қаҳрамони халқи тоҷик Восеъ шинос шуданд.

АКС: Вазорати корҳои дохилии Ҷумҳурии Тоҷикистон