Вобаста ба ҳуқуқи меҳнат ва истифодаи меъёрҳои байналмилалии меҳнат вохӯрии минтақавии шарикони рушд доир шуд
ДУШАНБЕ, 25.11.2024. /АМИТ «Ховар»/. Дар Тоҷикистон дар самти муносибатҳои меҳнатӣ санадҳое қабул гардидаанд, ки ҷавобгӯи меъёрҳои байналмилалӣ буда, ба баланд бардоштани сатҳи иҷтимоӣ, меҳнати шоиста ва таъмини шароити бехатару мусоиди кории кормандони соҳаи маориф ва илм равона гардидаанд. Чунин иброз гардид дар вохӯрии минтақавии шарикони рушд дар мавзуи «Нақши иттифоқҳои касаба дар баланд бардоштани маълумотнокӣ оид ба ҳуқуқи меҳнат ва истифодаи натиҷанокии меъёрҳои байналмилалии меҳнат дар Тоҷикистон».
Тавре ба АМИТ «Ховар» дар Иттифоқи касабаи кормандони маориф ва илми Ҷумҳурии Тоҷикистон хабар доданд, рушди соҳаи маориф ва илм, дастрасӣ ба таҳсили босифат, баланд бардоштани мақоми омӯзгор, тақвияти ҳифзи иҷтимоии кормандони соҳаи маориф ва илм дар меҳвари сиёсати иҷтимоии Президенти Ҷумҳурии Тоҷикистон муҳтарам Эмомалӣ Раҳмон қарор дорад.
Бо дастури Президенти Ҷумҳурии Тоҷикистон лоиҳаи Қонуни Ҷумҳурии Тоҷикистон «Дар бораи мақоми омӯзгор» дар Вазорати маориф ва илми Ҷумҳурии Тоҷикистон мавриди баррасӣ қарор дорад. Қабули ин қонун дар ҳаёту фаъолияти омӯзгорони Тоҷикистон шароит ва марҳилаи нав фароҳам меорад.
Инчунин дар вохӯрӣ саҳми Ташкилоти байналмилалии меҳнат дар масъалаи танзими муносибатҳои меҳнатӣ ва густариши шарикии иҷтимоӣ байни ҳукуматҳо, иттифоқҳои касаба ва корфармоён баррасӣ гардид. Санадҳои қабулкардаи он дар шакли конвенсия ва тавсияҳо ба танзими одилонаи муносибатҳои меҳнатӣ мусоидат менамоянд.
Танзими муносибатҳои меҳнатию амалишавии кафолатҳои иҷтимоии кормандони соҳаи маориф ва илм дар доираи шарикии иҷтимоӣ байни Вазорати маориф ва илм ва Иттифоқи касабаи кормандони маориф ва илм дар доираи созишномаи соҳавӣ ба роҳ монда шудааст.
Иштирокчиён вобаста ба баланд бардоштани маълумотнокӣ оид ба ҳуқуқи меҳнат, низоми назорати меҳнат, таъмин намудани бехатарии меҳнат, фароҳам овардани шароити хуби меҳнатӣ ва роҳҳои беҳтар намудани низоми меҳнат бо назардошти манфиатҳои миллӣ ва байналмилалӣ ибрози назар намуданд.
АКС: Иттифоқи касабаи кормандони маориф ва илми Ҷумҳурии Тоҷикистон
1 январ хонандагони муассисаҳои таҳсилоти миёнаи умумии Тоҷикистон ба таътили зимистона мебароянд
Дар ноҳияи Шоҳмансур 34 омӯзгор ва 697 хонандаи фаъол қадрдонӣ гардиданд
Таҳти унвони «Бобоҷон Ғафуров – бузургтарин муҳаққиқ ва муаррифи таърихи халқи тоҷик» конференсия баргузор шуд
Дар Донишгоҳи байналмилалии забонҳои хориҷии Тоҷикистон омӯзиши забони ҳиндӣ баррасӣ гардид
Корманди Донишгоҳи давлатии омӯзгории Тоҷикистон соҳиби ҷоизаи «Мутахассиси муносибатҳои байналмилалии сол –2025» гардид
Ғолибони «Ҷоми раёсати Донишгоҳи байналмилалии сайёҳӣ ва соҳибкории Тоҷикистон» муайян гардиданд
Дар Донишгоҳи техникии Тоҷикистон оид ба шарҳи Паёми Президенти Тоҷикистон ба Маҷлиси Олӣ ҳамоиш доир шуд
Дар Донишгоҳи давлатии Бохтар татбиқи технологияҳои муосири рақамӣ ва алгоритмҳои зеҳни сунъӣ баррасӣ гардид
Қабули Қонуни Ҷумҳурии Тоҷикистон «Дар бораи мақоми омӯзгор» рамзи эҳтиром ба заҳмати омӯзгор аст
Дар Донишгоҳи давлатии Кӯлоб бахшида ба Паёми Президенти Тоҷикистон ба Маҷлиси Олӣ ҳамоиш баргузор шуд
ҚОНУН «ДАР БОРАИ МАҚОМИ ОМӮЗГОР». Қабули он далели таваҷҷуҳи рӯзафзуни Ҳукумати Тоҷикистон нисбат ба тарбиятгарони насли наврас аст
Дар Донишгоҳи байналмилалии сайёҳӣ ва соҳибкории Тоҷикистон олимпиадаи хонандагони синфҳои 11 оғоз гардид
