Ҳайати парлумонӣ дар ҷаласаи ҳамкории парлумонии Иттиҳоди Аврупо ва Ҷумҳурии Тоҷикистон иштирок намуд
ДУШАНБЕ, 05.12.2024 /АМИТ «Ховар»/. 2-4 декабр ҳайати парлумонии Тоҷикистон таҳти раёсати муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ дар кори ҷаласаи ҳамкории парлумонии Иттиҳоди Аврупо ва Ҷумҳурии Тоҷикистон, ки дар Шоҳигарии Белгия баргузор гардид, иштирок ва суханронӣ намуд. Дар ин хусус ба АМИТ «Ховар» дар Маҷлиси намояндагон хабар доданд.
Ҳайати парлумонии Тоҷикистон бо Президенти Сенати Подшоҳии Белгия Валери Де Бю ва бо Раиси Маҷлиси намояндагони Подшоҳии Белгия Петер Де Рувер мулоқот намуд.
Зимни ин вохӯриҳо дурнамои рушди робитаҳои байнипарлумонӣ ва маҷмуи масъалаҳои дуҷониба, рушди фаъолияти гурӯҳи дӯстии байнипарлумонии Тоҷикистон ва Белгия баррасӣ шуда, тавсеаи ҳамкории ду давлат дар соҳаҳои мавриди таваҷҷуҳ матраҳ гардид.
Дар Шоҳигарии Белгия ҳайати парлумонии Тоҷикистон таҳти сарварии муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ ва ҳайати ҳамроҳонаш дар Сафорати Ҷумҳурии Тоҷикистон дар Шоҳигари Белгия бо намояндагони диаспораҳои «Сомониён» дар Ҳолланд ва «Диёр» дар Белгия мулоқот намуданд.
Дар ҷараёни мулоқот доираи васеи масъалаҳо баррасӣ шуд, ки таваҷҷуҳи асосӣ ба дастовардҳо ва фаъолияти диаспораҳои тоҷикон равона гардид. Вохӯрӣ шароити мусоидеро барои мубодилаи озоди андешаҳо ва пешниҳодҳо фароҳам овард. Ҳама масъалаҳо ва дархостҳои матраҳшуда пешрафти муваффақонаи ҳамкории минбаъдаро тақвият мебахшанд.
АКС: Маҷлиси намояндагони Маҷлиси Олии Ҷумҳурии Тоҷикистон
Намояндагони парлумонҳои Осиёи Марказӣ масъалаҳои таъмини амнияти об, иқлим ва ҳифзи муҳити зистро баррасӣ карданд
Дар доираи Форуми чоруми байнипарлумонӣ ҷаласаи «Ҳамгироии иқтисодӣ, рушди устувор ва тавсеаи шарикии минтақавӣ» баргузор гардид
Рустами Эмомалӣ бо Раиси Курултайи Ҷумҳурии Қазоқистон Айбек Дадебай мулоқот намуданд
Дар Тоҷикистон Форуми чоруми байнипарламентии давлатҳои Осиёи Марказӣ баргузор гардид
Имрӯз дар Душанбе Форуми чоруми байнипарламентии давлатҳои Осиёи Марказӣ баргузор мешавад
Роҳбарони парламентҳои давлатҳои Осиёи Марказӣ бо шоҳкориҳои Театри миллии Тоҷикистон шинос шуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Маҷлиси Туркманистон Дунягозел Гулманова мулоқот намуданд
Файзалӣ Идизода бо Раиси Маҷлиси Туркманистон Дунёгузел Гулманова вохӯрӣ намуд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Пешниҳодҳои Тоҷикистон дар ҷаласаи Комиссияи доимии Ассамблеяи байнипарламентии давлатҳои иштирокдори ИДМ дастгирӣ ёфтанд
Вакили Маҷлиси намояндагон дар ҷаласаи Комиссияи доимии Ассамблеяи байнипарлумонии давлатҳои ИДМ иштирок намуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
