Ҷавонони тоҷик дар Форуми ҷавонони давлатҳои аъзои Созмони ҳамкории исломӣ иштирок доранд
ДУШАНБЕ, 04.12.2024. /АМИТ «Ховар»/. 2 декабр дар шаҳри Шушаи Ҷумҳурии Озарбойҷон Форуми ҷавонони давлатҳои аъзои Созмони ҳамкории исломӣ (СҲИ) оғоз гардид, ки дар он ҷавонони гуногункасби Тоҷикистон иштирок доранд. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Дар рӯзи дуюми Форуми ҷавонони давлатҳои аъзои Созмони ҳамкории исломӣ ҷавонон дар бахшҳои алоҳида баромад карданд.
Дар ин бахшҳо ҷавонони тоҷик оид ба имконияти илмомӯзӣ, шароити таҳсил ва дигар дастгириҳое, ки барои онҳо дар Тоҷикистон фароҳам оварда шудаанд, маъруза намуданд.
Ҳамзамон дар бахши саноати эҷодӣ (мӯд, дизайн, графика, филм ё аниматсия) гӯшаи ҳунарҳои Тоҷикистон ташкил гардида, нақшу нигори фарҳанги мардумии тоҷик намоиш дода шуд.
Мақсади ин бахши форум дар баробари омӯхтани расму ҳунарҳои давлатҳо инчунин тарғиб ва омӯзиши ҳунарҳои ниёгон маънидод гардид.
Ёдовар мешавем, ки Форуми ҷавонони давлатҳои аъзои Созмони ҳамкории исломӣ дар шаҳри Шушаи Ҷумҳурии Озарбойҷон то 6 декабр идома меёбад. Ҷавонон дар самтҳои технологияҳои иттилоотӣ, саноати эҷодӣ (мӯд, дизайни графикӣ, филм ё аниматсия), дар самти илм ва навозандагии классикӣ табодули таҷриба менамоянд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
